پاکستان میں کورونا مریض 15289، ہلاکتیں 335

پاکستان میں کورونا وائرس کے کیسز کی تعداد 15 ہزار 289 ہو چکی ہے جبکہ اس موذی وباء سے جاں بحق افراد کی کُل تعداد 335 ہو گئی۔

کورونا وائرس کے ملک میں 11 ہزار 240 مریض اب بھی اسپتالوں میں زیرِ علاج ہیں، جن میں سے 129 کی حالت تشویش ناک ہے جبکہ 3 ہزار 714 مریض اس بیماری سے صحت یاب ہو چکے ہیں۔

امریکا میں کورونا سے ایک اور پاکستانی کا انتقال ہوگیا

امریکا میں کورونا وائرس سے ایک اور پاکستانی کا انتقال ہوگیا ۔ پرویز اقبال کا تعلق ہزارہ سے تھا

پنجاب میں کورونا کے مریضوں کی تعداد سب سے زیادہ 5 ہزار 827 ہے جبکہ اس سے ہلاکتیں 100 ہو گئی ہیں۔

سندھ میں اب تک کورونا وائرس کے 5 ہزار 695 مریض سامنے آئے ہیں، جبکہ 100 مریض کورونا کے باعث جان کی بازی ہار چکے ہیں۔

خیبر پختون خوا میں کورونا کے مریضوں کی تعداد 2 ہزار 160 ہو چکی ہے جبکہ اموات تمام صوبوں سے زیادہ 114 ہیں۔

کورونا وائرس کے بلوچستان میں 915 مریض اب تک رپورٹ ہوئے ہیں جہاں 14 افراد اس مرض سے انتقال کر چکے ہیں۔

یہ بھی پڑھیئے: بلوچستان میں کورونا کے مزید 62 کیس رپورٹ

گلگت بلتستان میں 330 کورونا کے مریض سامنے آئے ہیں جبکہ اس سے 3 افراد جاں بحق ہوئے ہیں۔

وفاقی دارالحکومت اسلام آباد میں 297 کورونا وائرس کے متاثرہ مریض ہیں جبکہ 4 افراد اس وباء سے جان کی بازی ہار چکے ہیں۔

آزاد کشمیر میں کورونا کے اب تک 65 مریض رپورٹ ہوئے ہیں تاہم یہاں اس وائرس سے اب تک کوئی ہلاکت سامنے نہیں آئی ہے۔

نیشنل کمانڈ اینڈ آپریشن سینٹرکے مطابق ملک بھر میں 24 گھنٹوں کے دوران کورونا وائرس کے 8 ہزار 530 ٹیسٹ کیے گئے، جبکہ ملک میں اب تک کورونا کے کُل 1 لاکھ 65 ہزار 911 ٹیسٹ ہو چکے ہیں۔