آپ آف لائن ہیں
جمعرات10؍ذیقعد 1441ھ2؍جولائی2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

طرح طرح کے پکوان کریں پورا ہفتہ عید کا مزہ دوبالا

ماہ صیام کے بعد مسلمانوں نے عیدالفطر کی خوشی منائی اور یہ سلسلہ پورے ہفتے جاری رہتا ہے۔ لوگ عید کے تین روز کھانے پینے کا خوب اہتمام کرتے ہیں اور یہ سلسلہ پورا ہفتے ہی جاری رہتا ہے۔ سوشل ڈسٹینسنگ (احتیاطی فاصلہ) کی وجہ سے دوستوں اور رشتہ داروں کی دعوتوں کا اہتمام تو اس طرح نظر نہیں آیا لیکن گھروالوں کے لیے خواتین اور کھانے پکانے کے شوقین مرد حضرات نے گھر والوں کی نت نئی پکوانوں سے تواضع کی اور یہ سلسلہ عید کے بعد بھی جاری ہے۔ اپنی اپنی پسند کے مطابق روایتی کھانوں کے ساتھ ساتھ غیر روایتی پکوان بنانے پر بھی توجہ دی جاتی ہے۔ مرغ مسالے والےچٹ پٹے کھانوں کے ساتھ ساتھ کوکٹیل کھانے بھی ذوق و شوق سے بناکر پیش کیے جاتے ہیں۔ کچھ نئی اور روایتی ڈشز کی تراکیب پیشِ خدمت ہیں۔

بہاری پلاؤ

درکار اجزاء:

چکن۔ ایک کلو (سو لہ ٹکڑے)

ادرک لہسن پیسٹ ۔دو کھانے کے چمچ

کُٹی ہری مرچیں۔ بیس عدد

پیاز ۔دو عدد (پسے ہوئے)

خشخاش۔ ایک کھانے کا چمچ

دہی ۔ایک کپ

کُٹی کالی مرچ۔ ایک چائے کا چمچ

ہری الائچی۔ چار عدد

دار چینی ۔ایک ٹکڑا

لونگ ۔چھ عدد

تیز پات ۔ایک عدد

زیرہ ۔ایک چائے کا چمچ

چاول ۔آدھا کلو (تیس منٹ کےلئے بھگو دیں)

تیل ۔آدھا کپ

نمک ۔حسبِ ذائقہ

ترکیب:

چکن کو ادرک لہسن پیسٹ، پسی ہری مرچ، پسے پیاز، خشخاش اور دہی کے ساتھ ایک گھنٹہ میرینیٹ کریں۔ تیل گرم کرکے اُس میں پسے پیاز، کُٹی کالی مرچ، ہری الائچی، لونگ، تیز پات، اور زیرہ ڈال کر پانچ سے سات منٹ پکائیں تاکہ پیاز کا کچا پن ختم ہو جائے۔ پھر میرینیٹ چکن ڈال کر دو سے تین منٹ پکا کر ڈھک دیں اور بیس منٹ کےلئے پکائیں کہ چکن گل جائے اور تیل اوپر آجائے۔ اب دو کپ پانی ڈالیں جب اُبال آنے لگے تو چاول ڈال دیںاور ساتھ نمک ڈالیں (نمک چکھ لیں) اگر ضرورت ہو۔ اِسے پکنے دیں یہاں تک کہ پانی خشک ہو جائے اور چاول تین چوتھائی پک جائیں۔ ہلکی آنچ پر دس منٹ دم دیں کہ چاول مکمل تیار ہو جائیں۔ رائتہ کے ساتھ پیش کریں۔

پیری پیری چکن ود اسپائسی رائس

درکار اجزاء:

چکن ۔ایک عدد

لیموں ۔چار سے پانچ عدد

نمک ۔ایک چائے کا چمچ

سویا سوس۔ دو کھانے کے چمچ

کالی مرچ۔ ایک چائے کا چمچ (پسی ہوئی)

پیپریکا پاؤڈر۔ دو کھانے کے چمچ

لہسن ۔دو کھانے کے چمچ

چکن پاؤڈر ۔ایک چائے کا چمچ

ووسٹر شائر سوس۔ دو کھانے کے چمچ

پیری پیری سوس ۔چار کھانے کے چمچ

تیل ۔ایک چوتھائی کپ

کچری پاؤڈر ۔ایک چائے کا چمچ

کشمیری لال مرچ۔ چھ عدد

لال مرچ (ثابت) ۔بارہ سے پندرہ عدد

لال مرچ (پسی ہوئی)۔ دو کھانے کے چمچ

تیل۔ ایک چوتھائی کپ

سفید سرکہ ۔آدھاکپ

پیاز ۔ایک عدد

ٹاٹری ۔آدھا چائے کا چمچ

لہسن ۔چار جوئے

دھنیا ۔ایک چائے کا چمچ (پسا ہوا)

نمک ۔ایک چائے کا چمچ

رائی پاؤڈر۔ ایک چائے کا چمچ

اسپائسی رائس کے لئے:

چاول۔ سات سو پچاس گرام (بھیگے ہوئے)

تیل ۔ایک چوتھائی کپ

پیاز۔ ایک کپ (آملیٹ والی کٹی ہوئی)

لہسن ۔ایک کھانے کا چمچ (کٹا ہوا)

نمک۔ حسبِ ذائقہ

سفید مرچ ۔ایک چائے کا چمچ (پسی ہوئی)

شملہ مرچ ۔ایک کپ (چھوٹے کیوبز میں کٹی ہوئی)

ٹماٹر۔ ایک کپ (چھوٹے کیوبز میں کٹے ہوئے)

پیری پیری سوس۔4 کھانے کے چمچ

ترکیب:

چکن کو لیمن کا رس، نمک، سویا سوس، کالی مرچ، پیپریکا پاؤڈر، لہسن، چکن پاؤڈر، ووسٹر شائر سوس، پیری پیری سوس، تیل اور کچری پاؤڈر کے ساتھ میری نیٹ کرکے تین سے چار گھنٹے کے لئے رکھ دیں۔اب چکن کے ٹکڑوں کو پہلے سے پری ہیٹڈ اوون میں پچیس سے تیس منٹ کے لئے دو سو ڈگری سینٹی گریڈ پر پکائیں۔ جب چکن گل جائے اور پانی خشک ہوجائے تو اسے گرل پین میں نکال کر پانچ سے سات منٹ پکائیں۔ رنگ گولڈن براؤن ہو اور گرل مارلک آجائیں تو چکن تیار ہے۔ پیری پیری سوس کے لئے:تمام اجزاء کو بلینڈر میں ملا کر اچھی طرح بلینڈ کرلیں۔ پیری پیری سوس تیار ہے۔

اسپائسی رائس کے لئے:ایک پتیلی میں چاولوں کو ابال لیں۔ پھر پین میں تیل گرم کریں۔ پھر اس میں پیاز نرم کرلیں اور لہسن ڈال کر پکائیں۔ اب اس میں ابلے چاول ڈالیں۔ ساتھ ہی نمک اور سفید مرچ شامل کرکے اچھی طرح مکس کرلیں۔ آخر میں شملہ مرچ، ٹماٹر اور پیری پیری سوس شامل کر لیں۔ ایک پلیٹر میں نکال کر گرلڈ چکن کے ساتھ سرو کریں۔

چکن وائٹ کڑاہی

درکار اجزاء:

چکن۔500گرام

کھانے کا تیل۔4کھانے کے چمچ

نمک۔حسبِ ذائقہ

ادرک لہسن۔ 1کھانے کا چمچ

گرم مسالہ۔1چائے کا چمچ

کالی مرچ۔ 1 چائے کا چمچ

ہری مرچ(چوپ)۔1کھانے کا چمچ

دھنیا پاؤڈر ۔ایک چائے کا چمچ

دہی۔1 کپ

کریم۔آدھا کپ

زیرہ۔1کھانے کا چمچ

ترکیب:

ایک کڑاہی میں کھانے کا تیل لیں اب اس میں چکن ڈال کر تھوڑی دیر پکا لیں ۔ اب اس میں ادرک لہسن پیسٹ ڈال کر تھوڑی دیر پکا لیں۔ پھر اس میں گرم مسالہ، کالی مرچ، دھنیا پاؤڈر ڈال کر تھوڑی دیر پکا لیں۔ دہی ڈال کر چار سے پانچ منٹ پکا لیں۔ اب اس میں کریم ڈال کر ایک سے دو منٹ تک پکا لیں ۔ چکن وائٹ کڑاہی سرو کرنے کے لیے تیار ہے۔

دجاج مندی

درکار اجزاء:

ثابت چکن۔ ایک کلو

مکھن۔ 2اونس

تیل۔ 1/4کپ

ہری الائچی۔ 10عدد

بڑی الائچی۔ ایک عدد

دار چینی۔ 2ٹکڑے

ثابت کالی مرچ۔ ایک کھانے کا چمچ

لونگ۔ 8سے10عدد

تیز پتا۔ 2عدد

چاول۔ 1/2کلو

زعفران۔ 1/2چائے کا چمچ

پیلارنگ۔ ایک چٹکی

پسی ہری الائچی۔ 1/2چائے کا چمچ

نمک۔ ایک کھانے کا چمچ

کٹی پیاز۔ ایک کپ

لیموں کا رس۔ 2کھانے کے چمچ

لیمن ڈرائیڈ۔ 1عدد

ترکیب:

ایک پین میں تیل اور مکھن گرم کرکے اس میں ہری الائچی ، بڑی الائچی، دار چینی، ثابت کالی مرچ، لونگ،تیز پتوں کو ایک کپ کٹی پیاز اور چکن کے ساتھ ڈال کر فرائی کریں، یہاں تک کہ چکن دونوں طرف سے گولڈن براؤن ہوجائے ۔ اب اس میں 6کپ پانی کو پسی ہری الائچی ، زعفران، لیمن ڈرائیڈ اور نمک کے ساتھ ڈال کر ڈھکیں اور اتنا پکائیں کہ چکن گل جائے اور ڈھائی کپ یخنی رہ جائے۔ پھر چکن کو یخنی سے نکال کر اس میں بھیگے ہوئے چاول شامل کریں اور ڈھک کر اتنا پکائیں کہ چاول تیار ہوجائیں۔ اب ایک چٹکی پیلا رنگ صرف چاولوں کے ایک طرف چھڑکیں اور 10منٹ دم پر چھوڑ دیں۔ اب انہیں اچھی طرح مکس کرلیں۔ ایک چھوٹے پیالے میں مکھن کو باقی پسی ہری الائچی اور زعفران کہ ساتھ مکس کرکے گرم پانی میںبھگو دیں۔ پھر اس میں لیموں کا رس اچھی طرح مکس کرکے چکن کے اوپر برش کردیں۔ اب اسے پہلے سے گرم اوون میں15منٹ کے لئے بیک کرلیں۔ پھر اسے پلیٹر پر نکالیںاورچاولوں پر چکن رکھ کر سرو کریں۔

اوریگانو لیمب چوپس

درکار اجزاء:

لیمب چوپس۔ چار سو گرام

اوریگانو۔ ایک کھانے کا چمچ

نمک۔ حسبِ ذائقہ

سفید مرچ۔ حسبِ ذائقہ

لہسن ادرک پیسٹ۔ ایک کھانے کا چمچ

پپیتا پیسٹ۔ ایک کھانے کا چمچ

لیمن جوس۔ ایک کھانے کا چمچ

چکن اسٹاک ۔دو کھانے کے چمچ

سویا سوس۔ دو کھانے کے چمچ

ہری مرچ ۔گارنش کے لئے

ہرا دھنیا ۔گارنش کے لئے

ترکیب:

سب سے پہلے لیمب چوپ کو اوریگانو اور نمک لگا کر فرائی کرلیں۔پھر چکن اسٹاک کیساتھ تمام اجزاء ڈال کر چوپ پکالیں۔ اب لیمب چوپ پلیٹ میں ہری مرچ اور ہرے دھنیے سے سجا کر سوس کے ساتھ سرو کریں۔

راجستھانی بیف وِد چلی

درکار اجزاء:

انڈر کٹ سلائس۔ آدھا کلو

تیل۔ آدھا کلو

ادرک لہسن ۔ دو چائے کے چمچ

پسی لال مرچ ۔ ایک چائے کا چمچ

ہلدی۔ 1/4چائے کا چمچ

ٹماٹو پیوری۔ دو کھانے کے چمچ

ہوئسن سوس ۔ دو کھانے کے چمچ

دہی۔ چار کھانے کے چمچ

نمک ۔ ایک چائے کا چمچ

بھنا اور کٹا زیرہ ۔ ایک چائے کا چمچ

ادرک جولین ۔ ایک کھانے کا چمچ

کٹی ہری مرچ ۔ چھ عدد

شملہ مرچ جولین ۔ ایک عدد

ترکیب:

آدھا کلو تیل گرم کر کے اس میں دو چائے کے چمچ ادرک لہسن کا پیسٹ اور آدھا کلوانڈر کٹ جولین ڈال کر پانچ منٹ فرائی کریں ۔اب اس میں ایک چائے کا چمچ پسی لال مرچ ، 1/4چائے کاچمچ ہلدی ،ایک چائے کا چمچ نمک ،ایک چائے کاچمچ بھنا اور کٹا زیرہ دو کھانے کے چمچ ٹماٹو پیوری ،چار کھانے کے چمچ دہی اور دو کھانے کے چمچ ہوئسن سوس کے ساتھ ڈالیں ۔پھر اسے ڈھک کر دس منٹ پکائیں ۔آخر میں چھ عدد جولین،کٹی ہری مرچیں اور ایک کھانے کا چمچ جولین ادرک شامل کریں ۔اب اچھی طرح ٹوس کر کے چاولوں کے ساتھ سرو کریں ۔

چکن کوکٹیل پلاؤ

درکار اجزاء:

چاول۔ ایک کلو

مرغی (بون لیس)۔ایک کلو

ہری پیاز(ہرا حصہ باریک کٹا ہوا)۔ چار عدد

گاجر(باریک اور چھوٹے کیوبز)۔ چار عدد

شملہ مرچیں(باریک اور چھوٹے کیوبز) ۔ چار سے چھ عدد

ادرک، لہسن( پیسٹ)۔ دو کھانے کے چمچ

سیاہ مرچ پاؤڈر۔ ایک چائے کا چمچ

لونگ (باریک پسی ہوئی )۔پانچ عدد

اجوائن (پسی ہوئی)۔ ایک چائے کا چمچ

دار چینی (باریک پسی ہوئی)۔ایک انچ کا ٹکڑا

سونف(باریک پسی ہوئی )۔ ایک چائے کا چمچ

چائنیز نمک۔ دو کھانے کے چمچ

سرکہ۔ دو چائے کے چمچ

سویا سوس۔ دو کھانے کے چمچ

نمک۔ حسب ذائقہ

زعفران۔ چٹکی بھر

گھی۔ حسب ضرورت

ہری مرچیں(بڑی )۔دس عدد

ترکیب:

گوشت میں ادرک، لہسن کا پیسٹ، تھوڑا سرکہ، سویا سوس، زعفران اور نمک ڈال کر میرینیٹ کرکے رکھ دیں۔ اس کے بعد اسے دھیمی آنچ پر فرائی کر کے گولڈن کر کے نکال لیں۔ ایک پتیلی لیں اس میں گھی گرم کر کے اس میں ہری پیاز ڈال کر اسٹرفرائی کر لیں۔ اس میں گاجر اور شملہ مرچیں شامل کر لیں اور اچھی طرح چمچہ چلائیں۔ اس میں سیاہ مرچ پاؤڈر، لونگ، دار چینی، سونف ، اجوائن، نمک اور چائنیز نمک ڈالیں۔ ایک چائے کا چمچ سرکہ اور ایک چائے کا چمچ سویا سوس ڈال کر فرائی کیا ہوا گوشت اور بھگوئے ہوئے چاول ڈالیں اور اس میں اتنا پانی شامل کر یں کہ چاول کھڑے کھڑے رہیں، ابال آنے کے بعد دم پر رکھ دیں۔ آخر میں بڑی ہری مرچیں ڈال کر اچھی طرح مکس کر یں اور سرو کر یں۔

کوکٹیل میٹ بالز

درکار اجزاء:

چکن/بیف یا مٹن کا قیمہ ۔پانچ سو گرام

اسپیگٹی۔دو سو گرام

آئل۔ ایک چوتھائی کپ

نمک۔ حسبِ ذائقہ

پارمیزان چیز۔ تین کھانے کے چمچ

اوریگانو پاؤڈر۔ ڈیڑھ چائے کا چمچ

پارسلے(چوپ)۔ چار کھانے کے چمچ

لال مرچ۔ دو چائے کا چمچ

پیاز(چوپ کیا ہوا )۔ آدھا

ہری مرچ۔ ایک چائے کا چمچ

بریڈ کرمز۔ چار کھانے کے چمچ

کارن فلور ۔ایک چائے کا چمچ

میدہ ۔ایک چائے کا چمچ

زیتون کا تیل ۔تین کھانے کے چمچ

لہسن(چوپ کیا ہوا) ۔ایک چائے کا چمچ

ٹماٹو کیچپ ۔ڈیڑھ کپ

لیموں کا رس۔ دو چائے کا چمچ

ٹماٹر(چوپ کیا ہوا)۔ دو چائے کے چمچ

ترکیب:

ایک برتن میں چکن قیمہ،نمک، پارمیزان چیزدو کھانے کے چمچ، اوریگانو پاؤڈر،پارسلے دو چائے کے چمچ، کُٹی ہوئی لال مرچ،پیاز، ہری مرچ کٹی ہوئی،بریڈ کرمز،کارن فلوراور میدہ ڈال کر اچھی طرح ملا لیں۔ملانے کے بعد قیمے کے کوفتے (میٹ بالز) بنا لیں۔ پکانے والے بر تن میں پانی، نمک، آئل ڈال کر اُبال لیں۔ اُبل جانے پر اسپیگٹی ڈال کر تین سے چار منٹ تک اُبال لیں اور چیک کرتے رہیں کہ گل گیا ہے کہ نہیں۔

گل جانے پر ایک برتن میں الگ نکال لیں۔پین میں زیتون کا تیل ، لہسن چوپ ہوا ،کوفتے یا میٹ بالز ڈال کر ہلکی آنچ پر لائٹ براؤن ہونے تک دم پر رکھ دیں۔ لائٹ براؤن ہونے پر ٹماٹو کیچپ، لیموں کا رس،پارمیزان چیز ایک چائے کا چمچ، نمک حسبِ ذائقہ ، اور یگانو پیسا ہوا آدھا چائے کا چمچ،چوپڈ پارسلے ایک چائے کا چمچ،ٹماٹر چوپڈ دو چائے کے چمچ ڈال کر تین سے چار منٹ تک دم پر رکھ دیں۔اب ایک برتن میں اُبلی ہوئی اسپیگٹی ڈال کر میٹ بالزاورگریوی ڈال کر سرو کریں۔ آپ کی مزے داراسپیگٹی وِد میٹ بالز تیار ہیں۔

کوکٹیل چکن شاشلک

درکار اجزاء:

چکن۔ آدھا کلو

پیاز ۔ایک عدد

شملہ مرچ۔ ایک سے دو عدد

کارن فلور۔ ایک چائے کا چمچ

تیل۔ فرائی کے لیے

سوس کے لیے:

یخنی۔ ایک کپ

نمک۔ آدھا چائے کا چمچ

چلی سوس۔ ایک چوتھائی کپ

ٹماٹر (پیسٹ)۔ ایک کپ

چینی۔ ایک چوتھائی چائے کا چمچ

میری نیشن کے لیے:

لہسن ادرک (پیسٹ)۔ ایک چائے کا چمچ

سویا سوس۔ ایک کھانے کا چمچ

بیکنگ پاؤڈر۔ آدھا چائے کا چمچ

سرکہ۔ ایک کھانے کا چمچ

انڈے کی سفیدی۔ ایک عدد

میدہ ۔ایک چائے کا چمچ

ترکیب:

چکن اور سبزیوں کو ایک جیسے چوکور ٹکڑوں میں کاٹ لیں۔چکن کو لہسن ادرک کا پیسٹ، سویا سوس، بیکنگ پاؤڈر، سرکہ، انڈے کی سفیدی اور میدے کے ساتھ آدھے گھنٹے کے لئے میری نیٹ کریں۔پھر ڈیپ فرائی کرکے کچن پیپر پر نکال کر رکھیں تاکہ تیل نکل جائے۔سبزیوں کو تین کھانے کے چمچ تیل میں ہلکا سا فرائی کرکے نکال لیں۔یخنی، نمک، چلی سوس، ٹماٹر پیسٹ اور چینی ملا کر سوس تیار کر لیں۔چکن اور سبزیاں سوس میں ملا کر آخر میں کارن فلور ملائیں۔گرما گرم کوکٹیل شاشلک فرائڈ رائس کے ساتھ سرو کریں۔

کوکٹیل کباب

درکار اجزاء:

چکن (کیوبز کی شکل میں)۔آدھا کلو

ادرک لہسن( پیسٹ)۔ ایک چائے کا چمچ

تلی ہوئی پیاز۔ 2سے3چائے کے چمچ

نمک۔ ایک چائے کا چمچ

پسا دھنیہ۔آدھا چائے کا چمچ

سرخ مرچ (کٹی ہوئی)۔آدھا چائے کا چمچ

گرم مسالہ۔ آدھا چائے کا چمچ

پسا زیرہ۔آدھا چائے کا چمچ

ہلدی پاؤڈر۔آدھا چائے کا چمچ

چنے کا پاؤڈر۔ ایک سے دو چائے کے چمچ

پسا ہرا دھنیہ۔ 2 چائے کے چمچ

چیڈر چیز (کدو کش کی ہوئی )۔ 4 چائے کے چمچ

تیل۔ 2 چائے کے چمچ

ترکیب:

ایک چوپر میں چکن، ادرک لہسن کا پیسٹ، تلی ہوئی پیاز،نمک، دھنیہ، کٹی لال مرچ، گرم مسالہ پاؤڈر، زیرہ، ہلدی، چنے کا پاؤڈر اور ہرا دھنیہ ڈال کر اچھی طرح پیس لیں۔اس قیمے میں چیڈر چیز شامل کرکے اچھی طرح مکس کریں اور 30 منٹ کے لیے فریج میں رکھ دیں۔ہاتھوں میں تھوڑا سا تیل لگائیں اور قیمے کو سیخ کباب کی شکل دے دیں۔آخر میں کباب کو ہلکی آنچ پر تیل میں پکا لیں اور گھر والوں کو کیچپ کے ساتھ پیش کریں۔

کھانا خزانہ سے مزید