ندا یاسر کی صحت کے حوالے سے افواہوں کی تردید

عالمی وبا کورونا کا شکار ہونے والی پاکستان شوبز انڈسٹری کی معروف میزبان ندا یاسر نے خرابی صحت کے حوالے سے زیر گردش افواہوں کی تردید کردی ہے۔

گزشتہ ماہ کے آخر میں عالمی وبا کورونا کی تصدیق کرنے والی میزبان کے حوالے سے سماجی رابطوں کی ویب سائٹس پر یہ افواہیں گردش کررہی تھیں کہ میزبان اور ان کے شوہر یاسر نواز میں کورونا کی علامات شدید ہونے پر طبیعت بگڑ گئی ہے۔

یاسر نواز اور ندا میں کورونا کی تصدیق

پاکستان کے معروف اداکار، ہدایتکار و پرڈیوسر یاسر نواز اوراُن کی اہلیہ و میزبان ندا بیٹی سمیت کورونا کا شکار ہوگئیں۔

زیر گردش ویڈیوز میں دعویٰ کیا گیا تھا کہ یاسر نواز کے مقابلے ندا یاسر کی طبعیت زیادہ خراب ہوچکی ہے، تاہم ایسی ویڈیوز میں کوئی مستند ذریعہ نہیں دیا گیا تھا۔

اپنی صحت سے متعلق افواہیں پھیلنے کے بعد ندا یاسر نے انسٹاگرام پر اپنی تصویر شیئر کرتے ہوئے لکھا کہ میں یہ وضاحت کرنا چاہتی ہوں کہ اللہ کے فضل و کرم سے میں بلکل خیریت سے ہوں۔

صحت سے متعلق خبروں کو جھوٹا قرار دیتے ہوئے کہا کہ وہ اور ان کے تمام اہل خانہ کی صحت ٹھیک ہے جبکہ وہ گھر پر ہی ہیں۔

اداکارہ نے لکھا کہ اللہ کے شکر اور مداحوں کی دعا سے وہ بلکل ٹھیک ہیں اور ان کی صحت سے متعلق غلط خبریں پھیلائی جا رہی ہیں۔

کورونا کا شکار ندا یاسر نے عید کیسے منائی؟

پاکستان ٹی وی انڈسٹری کی معروف میزبان ندا یاسر اور...

انہوں نے واضح کیا کہ سوشل میڈیا صارفین اور ان کے مداح ان کی صحت سے متعلق جھوٹی خبروں پر یقین نہ کریں۔