آپ آف لائن ہیں
اتوار20؍ذیقعد 1441ھ 12؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کورونا سے خوفزدہ 3 ویسٹ انڈین کرکٹرز کا انگلینڈ جانے سے انکار

کراچی (اسٹاف رپورٹر) ویسٹ انڈیز کے تین کھلاڑیوں نے کورونا وائرس کے خوف سے دورہ انگلینڈ سے انکار کردیاہے۔ ویسٹ انڈین بورڈ نے انکار کرنے والے کھلاڑیوں کی تصدیق کرتے ہوئے بتایا کہ شیمرون ہٹمائر، ڈیرن براوو اور کیموپال نے دورہ سےمنع کیا ہے۔ ویسٹ انڈیز کرکٹ بورڈ نے جیسن ہولڈر کی قیادت میں 25 کھلاڑیوں کا اعلان کردیا۔ جس میں گیارہ ریزورز کھلاڑی شامل ہیں۔ صورتحال کے پیش نظر بورڈ نے 11 اضافی کھلاڑیوں کے نام بھی تجویز کیے ہیں جو خود کو قرنطینہ میں رکھیں گے، ان کو بوقت ضرورت ٹیم کا حصہ بنایا جائے گا۔ سیریز کا پہلا ٹیسٹ 8 سے 12 جولائی تک ہمپشائر میں تماشائیوں کے بغیر کھیلا جائے گا ۔پاکستان کو بھی اگست ستمبر میں انگلینڈ کا دورہ کرنا ہے ، اس سلسلے میں ویسٹ انڈیز کا دورہ انگلینڈ انتہائی اہم ہے اور اس سے کورونا کی موجودگی میں سیریز کے انعقاد کی تیاریوں کا اندازہ ہوجائے گا۔

اسپورٹس سے مزید