میر شکیل الرحمٰن کی گرفتاری بلا جواز ہے، سراج الحق

امیر جماعت اسلامی سینیٹر سراج الحق نے کہا ہے کہ ایڈیٹر انچیف جیو و جنگ گروپ میر شکیل الرحمٰن کی گرفتاری بلا جواز ہے۔

سوات میں میڈیا سے گفتگو کرتے ہو ئے اُن کا کہنا تھا کہ یہ کہاں کا انصاف ہے کہ آپ ایک شخص کو مہینوں جیل میں رکھیں اور الزام بھی ثابت نہ کرسکیں۔

سراج الحق نے کہا کہ اس سے پہلے بھی حکومت نے نیو چینل کو بند کیا، پھر چینل 24 کو بند کیا۔

انہوں نے کہا کہ یہ حکومت ایک اینکرکو بھی برداشت نہیں کرسکتی۔