آپ آف لائن ہیں
جمعرات10؍ربیع الثانی 1442ھ26؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نوجوان ایک سے ڈھائی لاکھ تک قرض لے سکتے ہیں، عثمان ڈار


وزیراعظم کے معاون خصوصی برائے امورِ نوجونان عثمان ڈار نے کہا ہے کہ کامیاب جوان پروگرام کے ذریعے نوجوان ایک سے ڈھائی لاکھ روپے تک کا قرض لے سکتے ہیں۔

عثمان ڈار کا کہنا تھا کہ نوجوان اپنے کاروبار کے لیے ایک لاکھ سے ڈھائی کروڑ تک کا قرض لے سکیں گے۔ انھوں نے کہا قرض دینے کا یہ فیصلہ کورونا وبا کے باعث معیشت کو درپیش چیلنجز کے پیش نظر کیا گیا۔

عثمان ڈار کا کہنا تھا کہ مالی مشکلات کے شکار نوجوان اس پروگرام سے بھرپور فائدہ اٹھائیں۔ نوجوان صرف کاروبار کا منصوبہ بنائیں، حکومت بغیر گارنٹی کے قرض دے گی۔

ان کا یہ بھی کہنا تھا کہ بنا گارنٹی قرض کی حد بھی پانچ لاکھ سے بڑھا کر دس لاکھ کر دی گئی ہے، اسٹیٹ بینک آف پاکستان نے تمام کمرشل بینکوں کو مراسلہ جاری کر دیا ہے۔

انھوں نے بتایا کہ ملک بھر کے تمام اسلامی بینکس بھی پروگرام میں شامل ہوں گے۔

عثمان ڈار کا کہنا تھا کہ حکومتی ہدایات کے مطابق ٹائیگر فورس کے دوسرے مرحلے کیلئےقرض کا مارک اپ 6 سے کم کر کے 3 فیصد کر دیا گیا، قرض کے زیادہ سے زیادہ حد 50 لاکھ سے بڑھا کر ڈھائی کروڑ کر دی گئی ہے۔

قومی خبریں سے مزید