آپ آف لائن ہیں
جمعرات13؍ صفر المظفّر 1442ھ یکم اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پراٸیویٹ اسکولز ایکشن کمیٹی کے وفد کی کراچی بار کے عہدیداروں سے ملاقات

پرائیویٹ اسکولز ایکشن کمیٹی کے ایک وفد نے پیر کو کراچی بار ایسوسی (کے بی اے) ایشن کے ممبران سے ملاقات کی اور انہیں 15 اگست سے اسکول کھولنے کے حوالے سے تفصیلات سے آگاہ کیا۔

ایکشن کمیٹی نے کے بی اے رہنماؤں کو بتایا کہ جب تمام شعبہ جات ہی کھولے جا چکے ہیں تو حکومت کی یہ تعلیم دشمنی ہی ہے کہ وہ اسکول نہ کھولنے پر بضد ہے۔

سیکریٹری کراچی بار جی ایم کورائی، نائب صدر عبدالقدیر مہر، جوائنٹ سیکریٹری ندیم منگی اور دیگر نے 15 اگست سے نجی تعلیمی  ادارے کھولنے پر بار کی جانب سے مکمل تعاون اور حمایت کا اعلان کیا۔

پرائیویٹ اسکولز ایکشن کمیٹی کے رہنما پرویز ہارون نے ایک بار پھر واضح الفاظ میں کہا کہ نجی تعلیمی ادارے 15 اگست سے ایس او پیز کے ساتھ کھولے جائیں گے۔ حکومت سے درخواست کرتے ہیں کہ وہ نجی تعلیمی اداروں کے جائز مطالبے پر ہمدردانہ غور کرے۔ 

قومی خبریں سے مزید