آپ آف لائن ہیں
پیر10؍صفر المظفّر 1442ھ 28؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مسلم لیگی کارکنوں پر وحشیانہ تشدد کی مذمت کرتے ہیں،سید ولی شاہ آفریدی

پشاور(نمائندہ خصوصی)پاکستان مسلم لیگ (ن) کے سینئر قبائلی رہنما سید ولی شاہ آفریدی ایم ایس ایف صوبائی صدر سید حیدر بادشاہ نے مریم نواز کے نیب میں پیشی کے موقع پر مسلم لیگ(ن) کے کارکنوں پر وحشیانہ تشدد لاٹھی چارج، آنسو گیس اور مرچوں کے استعمال کو وحشیانہ کاروائی قرار دیتے ہوئے کہا ہے کہ حکمرانوں کی کشتی ڈوبنے والی ہے اور حکمران ڈوبتے ہوئے کشتی کو بچانے کیلئے فسطائی ہتھکنڈوں پر اُتر آئے ہیں انھوں نے مشترکہ بیان میں کہا کہ پُرامن احتجاج ہر شہری کا حق ہے لیکن حکمران طاقت کے بل بوتے پر عوام سے احتجاج کا بنیادی حق چھیننا چاہتے ہیں۔ سید ولی شاہ اور سید حیدر بادشاہ نے مسلم لیگی کارکنوں کو وحشیانہ تشدد کے بارے میں رد عمل کا اظہار کرتے ہوئے کہا کہ حکمرانوں پر مسلم لیگ(ن) کی بڑھتی مقبولیت کا بھوت سوار ہے۔ مسلم لیگ(ن) کی قیادت کی طرف سے جب بھی احتجاج کی کال دی گئی کارکن سروں پر کفن باندھ کر نکلے گے جس سے حکمرانوں کا بوری بستر گول ہوجائے گا۔

پشاور سے مزید