• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مختلف واقعات میں 6 افراد جان کی بازی ہارگئے، 2 نومولود بچوں کی لاشیں برآمد

میرا شہر
اسلام آباد
24 اگست ، 2020
راولپنڈی (سٹاف رپورٹر)جڑواں شہروںکے مختلف علاقوں میں 6افرادجان کی بازی ہارگئے جب کہ دونومولودبچوں کی نعشیں پولیس نے قبضے میں لے کرہسپتال منتقل کردیں۔تھانہ پیرودھائی کے علاقہ مسلم ٹاؤن میں ایک کمرے سے خستہ حال نعش ملی جودس سے پندرہ روزپرانی معلوم ہوتی ہے، پولیس کے مطابق نعش کی شناخت محمداکرم ولدعلی محمدکے نام سے ہوئی جوکہ رائے ونڈکارہائشی تھا۔تھانہ نصیرآبادکے علاقہ قاسم آبادسٹریٹ نمبر5میں 23سالہ شہزادعلی نے مبینہ طورپراپنے سرمیں گولی مارکرخودکشی کرلی، پولیس کے مطابق پوسٹ مارٹم کرالیاگیاہے، رپورٹ ملنے پرخودکشی یاقتل کاتعین ہوسکےگا۔تھانہ نصیرآبادکے علاقہ کرم آبادمیں 21سالہ نوجوان مغیث الرحمٰن پر اسرار طورپرجاں بحق ہوگیاپولیس کے مطابق وہ دوستوں کے ہمراہ باربی کیو کیلئے گیااوربعدازاں اس کےکرنٹ لگنے سے جاں بحق ہونے کی اطلاع ملی اس کے گھروالوں نے شبہ ظاہرکیاہے کہ اسے قتل کیاگیاہے۔تھانہ نیوٹاؤن کے علاقہ نیوکٹاریاں میں نالہ لئی کے کنارے سے ایک نومولودبچے کی نعش ملی۔ ادھرمری روڈپرشمس آبادپی ایس اوپمپ کے سامنے سے بھی ایک نومولودبچے کی نعش ملی دونوںنعشیں ہسپتال منتقل کردی گئیں۔ تھانہ جاتلی کے علاقہ میں ڈیری فارم کی چھت گرنے سے ملبے تلے آکرایک مزدورجاں بحق ہوگیا۔تھانہ کھنہ کوساجدہ بی بی نے بتایاکہ شکریال میں مکان کے تنازع میں محمداناروغیرہ چارملزموں نے کلاشن کوف کے بٹ اورڈنڈے مارکرمدعیہ کے شوہرمحمداشرف کوقتل کردیا۔موٹروے پرچکری کے قریب سیمنٹ کا 22ویلرٹرک الٹ گیاجس کے نیچے آکر28سالہ ڈرائیور تحسین موقع پرہی جاں بحق جب کہ مدثرمعمولی زخمی ہوا۔
تازہ ترین