ملک کو آئی ایم ایف کا غلام بنادیا گیا، سراج الحق

24 اگست ، 2020

کراچی میں دو قطرےبارش ہوتی ہےتومسائل پیدا ہوتےہیں،سراج الحق

امیر جماعت اسلامی سراج الحق کا کہنا ہے کہ پی پی اور ن لیگ تحریک انصاف سے لڑتی ہیں لیکن قانون خاموشی سے پاس کردیا، انہوں نے اس ملک کو آئی ایم ایف کا غلام بنادیا ہے۔

سراج الحق نے منصورہ میں علما مشائخ کانفرنس سےخطاب کرتے ہوئے کہا کہ آج مسلم امہ بڑی مشکل اور تکلیف سے دو چار ہے۔

انہوں نے کہا کہ ہمارےملک میں ایک دن بھی نظام مصطفیٰ نافذ نہیں ہوا، عدالتوں اور معیشت میں انگریزوں کی پیروی کررہے ہیں۔

سراج الحق نے کہا کہ آئیں مل کر عزم کریں پاکستان کو اسلامی و فلاحی ریاست بنانا ہے، ہماری لڑائی نواز شریف، آصف زرداری یا عمران خان سے نہیں، اس نظام سے ہے۔

انہوں نے کہا کہ کراچی میں دو قطرے بارش ہوتی ہے تو مسائل پیدا ہوجاتےہیں، وفاقی اور صوبائی حکومت آپس میں لڑرہی ہیں لیکن کہیں سے کچرا نہ اٹھاسکے۔

تازہ ترین