آپ آف لائن ہیں
منگل4؍صفر المظفّر 1442ھ 22؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

محمد عامر پاکستان جیسی نعمت پانے پر ﷲ کے شکرگزار

پاکستان کے شمالی علاقوں کی سیر کرنے والے قومی کرکٹ ٹیم کے فاسٹ بالر محمد عامر کا کہنا ہے کہ ماشا ﷲ، ہم ﷲ کی کون کون سی نعمتوں کو ٹھکرائیں گے۔ کون کہتا ہے پاکستان خوبصورت نہیں بلکہ پاکستان جیسا کوئی نہیں۔

دورہ انگلینڈ سے حال ہی میں واپس آنے کے بعد محمد عامر ان دنوں اپنے اہلخانہ کے ہمراہ پاکستان کے شمالی علاقوں میں موجود ہیں جہاں وہ ان علاقوں کی خوبصورتی کے سحر میں مبتلا ہیں۔

محمد عامر کا کہنا ہے کہ یہاں آ کر روح خوش ہو جاتی ہے، ﷲ کا ہم پر بڑا کرم ہے کہ اس نے پاکستان کو ایسی خوبصورت چیزوں سے نوازا ہوا ہے، میں نے بہت سے ملکوں کا سفر کیا پر ایسی خوبصورتی نہیں دیکھی۔

انہوں نے مزید کہا کہ پہلی بار شمالی علاقوں میں آیا ہوں، قسم خدا کی یہاں آ کر بہت مزہ آیا۔

محمد عامر کا مزید کہنا تھا کہ ان علاقوں کی اگر سڑکیں صحیح ہو جائیں تو ساری دنیا یہاں آنے کے لئے ترسے گی۔

محمد عامر نے اپنے سفر سے متعلق وڈیو بھی شیئر کی ہے اور سب کو پاکستان کے شمالی علاقوں میں آنے کا مشورہ بھی دیا ہے۔

کھیلوں کی خبریں سے مزید