انجمن تاجران کاجیب تراشوں اور پولیس کیخلاف احتجاجی مظاہرہ

پشاور (لیڈی رپورٹر)انجمن تاجران (اتفاق گروپ)شفیع مارکیٹ نے گزشتہ روزجیب تراشوں اور تھانہ غربی پولیس کیخلاف احتجاجی مظاہرہ کیا۔ مظاہرے کی قیادت شفیع مارکیٹ کے جنرل سیکرٹری حضرت باجوڑی کررہے تھے احتجاجی مظاہرے سے خطاب کرتے ہوئے حضرت باجوڑی نے کہا بازار میں آئے روز چوری اور گاہکوں کی جیب کاٹ لی جاتی ہے جس پر تھانہ غربی پولیس سٹیشن کے ایس ایچ او کو کئی بار آگاہ لیکن پولیس ان کے خلاف کاروائی نہیں کر رہی انکا کہنا تھا کہ تھانہ غربی کے ایس ایچ او مبینہ طار پردوکانداروں سے ماہواری کے حساب سے پیسے لیتے مگر جب دوکاندار اپنے شکایات لے کر متعلقہ تھانے جاتے ہیں تو ایس ایچ او کا رویہ بدلا ہوتا ہے۔انہوں نے کہا کہ متعلقہ ایس ایچ او قبضہ گروپ اور دیگر عناصر سے مل کر تاجر برادری کے زندگی کو مشکل میں ڈال رہے ہیں۔انہوں نے آئی جی پی خیبر پختو نخوا ڈاکٹر ثناء اللہ عباسی سے مطالبہ کیا ہے کہ متعلقہ تھانے کے ایس ایچ او کیخلاف شفاف کاروائی کی جائے۔انہوں نے کہا کہ مطالبات نہ مانے گئے تو پشاور کینٹ کے تاجر بھر پور احتجاج ریکارڈ کرینگے اور متعلقہ ایس ایچ او کے خلاف پریس کانفرنس بھی کرینگے۔