• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آصف زرداری کیخلاف 3؍ ریفرنسز بند کرنے کی درخواست مسترد

آج کا اخبار
اہم خبریں
24 ستمبر ، 2020

آصف زرداری کیخلاف 3؍ ریفرنسز بند کرنے کی درخواست مسترد 


اسلام آباد (اے پی پی) احتساب عدالت نے سابق صدر آصف علی زرداری کی تین ضمنی ریفرنس خارج کرنے کی استدعا مسترد کردی ہے۔ عدالت نے تینوں ریفرنسز پر ٹرائل جاری رکھنے کا حکم دیتے ہوئے تمام ملزمان کو 28 ستمبر کو طلب کرلیا۔ بدھ کو احتساب عدالت کے جج اعظم خان نے محفوظ شدہ فیصلہ سنایا اور سابق صدر کی جانب سے پارک لین، منی لانڈرنگ اور ٹھٹھہ واٹرسپلائی کے ضمنی ریفرنس خارج کرنے کی استدعا مسترد کردی۔سابق صدر آصف علی زرداری کے وکیل فاروق ایچ نائیک نے احتساب عدالت میں درخواست دائر کی تھی جس میں موقف اختیار کیا گیا تھا کہ نیب آرڈیننس کے تحت ضمنی ریفرنس دائر نہیں کیا جاسکتا لہٰذا ان تینوں ریفرنسز کو خارج کیا جائے۔عدالت نے اپنے فیصلے میں کہا ہے کہ ان ریفرنسز پر ٹرائل جاری رکھا جائے گا۔ عدالت نے ریفرنسز میں آصف علی زرداری سمیت تمام ملزمان کو 28 ستمبر کو طلب کرلیا۔

تازہ ترین