• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ میں کہیں گیس کی لوڈشیڈنگ نہیں، ایس ایس جی سی

آج کا اخبار
اہم خبریں
30 ستمبر ، 2020
کراچی ( اسٹاف رپورٹر) سندھ بھر میں کہیں بھی گیس کی لوڈشیڈنگ نہیں ہے۔ترجمان سوئی سدرن گیس کمپنی نے کہاہے کہ بند ہونے والی 3 گیس فیلڈز بحال ہوگئی ہیں اس لئے اب سندھ بھر میں کہیں بھی گیس کی لوڈشیڈنگ نہیں کی جا رہی ہے۔ ترجمان کے مطابق وزارت پیٹرولیم کی کوششوں سے گیس شارٹ فال کم کرنے کے لیے آرایل این جی کی فراہمی شروع کردی ہے، بحرانی حالات کے باوجود کے الیکٹرک کو گیس سپلائی بحال رکھی گئی ہے۔ایس ایس جی سی کے مطابق سنجھورو، سجاول اور زرگون سالانہ مرمت کیلے 15 روز کیلے بند تھی۔ گیس فیلڈ سے گیس کی ترسیل مکمل طور پربند ہوگئی تھی۔ فنی خرابی کی سبب بند ہونے والی 3 گیس فیلڈز بحال ہوچکی ہیں اور ان فیلڈز سے اب گیس کی فراہمی بحال ہونا شروع ہوگئی ہے۔ترجمان نے بتایا کہ ایل این جی گیس سسٹم میں شامل ہونے سے لائن پیک کی صورتحال بہترہوئی ہے۔ 100 ایم ایم سی ایف ڈی آر ایل این جی سوئی گیس سسٹم میں شامل کردی گئی ہے۔ وفاقی حکومت کی ہدایت پرگیس شارٹ فال کم کرنے کیلئے آرایل این جی فراہم کی جارہی ہے۔
تازہ ترین