فرمان الہی
نماز کے اوقات
لاہور(نمائندہ جنگ) پنجاب حکومت نے مسلم لیگ (ن) کو پارٹی کے صدر وقائد حزب اختلاف محمد شہباز شریف کی گرفتاری کیخلا ف آج احتجاج کی اجازت دیدی ۔
مسلم لیگ (ن) لاہور کے جنرل سیکرٹری خواجہ عمران نذیر کی سربراہی میں چار رکنی وفد نے کمشنرلاہور، ڈپٹی کمشنر لاہور،سی سی پی او لاہور اور ڈی آئی جی آپریشن لاہور سے ملاقات کی۔وفد میں کرنل (ر)مبشر جاوید ،سید توصیف شاہ اور میاں طارق شامل تھے ۔
وفد نے انتظامیہ اور پولیس افسران کومال روڈ لنک ٹمپل روڈ پر احتجاج کے بارے میں آگاہ کیا ۔ مسلم لیگ(ن) کی جانب سے یقین دہانی کرائی گئی کہ ان کا احتجاج پر امن ہوگا۔ ضلعی انتظامیہ نے یقین دہانی کرائی کہ احتجاج کرنے والوںکو مکمل سکیورٹی فراہم کی جائے گی ۔
