آپ آف لائن ہیں
جمعہ یکم جمادی الثانی 1442ھ15؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ایک بیان نے اپوزیشن اتحاد کا شیرازہ بکھیرنے کی بنیاد رکھ دی، عثمان بزدار

وزیراعلیٰ پنجاب عثمان بزدار کہتے ہیں کہ ایک بیان نے اپوزیشن کے اتحاد کا شیرازہ بکھیرنے کی بنیاد رکھ دی ہے۔

وزیراعلیٰ پنجاب عثمان بزدار سے صوبائی وزراء، ارکان اسمبلی اور پی ٹی آئی کے عہدیداروں نے ملاقاتیں کی ہیں جبکہ عثمان بزدار نے ملاقات کرنے والوں سے مسائل حل کرنے کی یقین دہانی بھی کرائی ہے۔

لاہور میں ملاقات کے دوران وزیراعلیٰ پنجاب عثمان بزدار نے کہا کہ راولپنڈی سمیت پنجاب کے مختلف اضلاع میں ماڈل پولیس سسٹم لائیں گے کیونکہ سابق حکمرانوں نے باتیں تو بہت بنائیں لیکن کام کچھ نہ کیا۔

عثمان بزدار نے کہا کہ اپوزیشن نے اقتدار کے لیے ملکی مفادات داؤ پر لگانےمیں کوئی کسر نہیں چھوڑی، اپوزیشن کی آہ و زاری بےوقت کی راگنی ہے۔

ملاقات کے دوران اُنہوں نے کہا کہ اپوزیشن جماعتوں کا غیرفطری اتحاد ٹوٹ پھوٹ کا شکار ہے، اپوزیشن رہنما ایک دوسرے سے مخلص نہیں، پی ڈی ایم جلد اپنے منطقی انجام کو پہنچنے والا ہے۔

قومی خبریں سے مزید