اربابِ قرطاس و قلم(مضامین)

مصنّف: رانا خالد محمود قیصرؔ

صفحات: 175 ،قیمت: 400 روپے

ناشر:الحمد پبلی کیشنز، کراچی۔

زیرِ نظر کتاب ’’اربابِ قرطاس و قلم‘‘رانا خالد محمود قیصرؔکے اُن مضامین کامجموعہ ہے،جو مضامین ادب کی مختلف اصناف میں تخلیقی جوہر دکھانے والی شخصیات کے بارے میں تحریر کیے گئے ہیں۔ صاحبِ کتاب نے جن شخصیات کو بھی گفتگو کا موضوع بنایا ہے، اُن کے فکر و فن کا گہرائی کے ساتھ جائزہ لیا ہے۔ ویسے بھی انتقادیات لفظیات کی اُلٹ پھیر سے ماورا کسی تحریر کی خُوبی اور خامی کو اُس کے گردو پیش کی وابستگی سے پرکھے جانے اور پھر نتیجے تک لانے کا کام ہے۔ تو مصنّفؔنے کوشش کی ہے کہ اختصار سے کام لیتے ہوئے اپنی بات قارئین تک پہنچا دی جائے۔

جن پر تبصرہ ممکن نہیں!!

ذیل میں اُن کتب اور رسائل و جرائد کی تفصیل دی جارہی ہے،جن پر تبصرہ ممکن نہیں۔ان میں سےکچھ کی ایک جِلد موصول ہوئی ہے اور کچھ کے صفحات کی تعداد ایک سو سے کم ہے۔

٭ماہ نامہ قومی زبان،مدیرہ ،ڈاکٹرثروت رضوی٭ڈاکٹر ملک غلام مرتضی:احوال و آثار،تا لیف،ڈاکٹر محمد اسلم خان(2018ء)٭صحیفہ اہلِ حدیث،مدیر ،عبدالعظیم حسن زئی٭ماہ نامہ فہم دین،مدیر،محمّد خرم شہزاد٭خوشیوں کا مقناطیس،صفیہ امیر جان٭ملک،ایک قدیم نسل،ملک تاج محمد مو آل چشتی(2018ء)۔

جو مصنّفین اور اشاعتی ادارے تبصرے کے لیے کتابیں بھیجنا چاہتے ہیں، ازراہِ کرم درج ذیل باتوں کا خیال ضرور رکھیں:

٭چھوٹے چھوٹے کتابچے اورپمفلٹ وغیرہ روانہ نہ کیے جائیں کہ ایک سو سے کم صفحات والی کتاب کا تعارف شامل نہیں کیا جاتا٭جو کُتب کسی فرقے، مذہب،گروہ،ادارے یا طبقے کے خلاف لکھی گئی ہوں گی، اُن پر تبصرہ نہیں ہوگا٭جن کتابوں پر ایک بار تبصرہ ہوچُکا،دوبارہ قطعاً ارسال نہ کی جائیں٭ایسی کتابیں، جو اسکولزاور کالجز کے نصاب سے متعلق ہوں، اُن پر بھی تبصرہ نہیں کیا جاسکتا٭ہر کتاب کی دو جلدیں آنا ضروری ہیں، ایک کتاب موصول ہونے پر تبصرہ نہیں کیا جائے گا۔علاوہ ازیں،2019ء میں شایع ہونے والی کسی بھی کتاب پر رواں برس تبصرہ ممکن نہیں ہو گا،البتہ 2020ء کی شایع کردہ کتابوں پر تبصرہ کردیا جائے گا۔اور یہ فیصلہ کتابوں کی کثیر تعداد اور مصنّفین اور اشاعتی اداروں کے طویل انتظار کو پیشِ نظر رکھتے ہوئے کیا گیا ہے۔صفحے کا عنوان’’نئی کتابیں‘‘ہے، لہٰذا ہماری کوشش یہی ہے کہ زیادہ سے زیادہ نئی کتب شامل ہوں، نہ کہ گزشتہ برس کی شایع شدہ۔سو، براہِ کرم 2020ء کی کوئی کتاب اب ارسال کرنے کی زحمت نہ کریں۔تبصرے کے لیے کتابیں صرف اس پتے پر ارسال کی جائیں۔

ایڈیٹر’’سنڈے میگزین‘‘،روزنامہ جنگ ،شعبۂ میگزین،اخبار منزل، آئی آئی چندریگر روڈ،کراچی۔