آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

لاہور: پنجاب کے مختلف علاقوں میں شدید دھند، پروازوں کا شیڈول متاثر

جنگ نیوز
فائل فوٹو

پنجاب کے مختلف علاقوں میں شدید دھند کے باعث موٹروے کئی مقامات پر بند کردی گئی جبکہ لاہور کے علامہ اقبال انٹرنیشنل ائیرپورٹ کے اطراف شدید دھند کے باعث پروازوں کا شیڈول متاثر ہوا، 17 پروازیں منسوخ جبکہ 13 تاخیر کا شکار ہوئیں۔

ایئرپورٹ حکام کے مطابق نجف، ابوظبی اور استنبول سے لاہور آنے، جانے والی پروازیں منسوخ کرنا پڑیں۔

دھند کے باعث لاہور سے دبئی اور ریاض جانے والی دو پروزیں جبکہ کراچی اور لاہور کے درمیان چلنے والی تین پروازیں منسوخ کی گئیں۔

حکام کے مطابق دمام، مسقط، شارجہ اور دوحہ سے لاہور آنے والی پروازیں کئی گھنٹے تاخیر کا شکار ہوئیں، اندرون ملک بعض پروازیں بھی دھند کی وجہ سے تاخیر کا شکار ہوئیں۔

دوسری جانب پنجاب بھر میں شدید دھند کے باعث موٹروے پر حد نگاہ انتہائی کم ہوگئی جس کے بعد موٹروے کو کئی مقامات پر ٹریفک کیلئے بند کر دیا گیا۔ 

ادھر محکمہ موسمیات نے ملک کے مختلف علاقوں میں موسم کے مزید سرد رہنے کی بھی پیش گوئی کردی۔ 

قومی خبریں سے مزید