• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایران نیوکلیئر ڈیل کی بحالی کیلئے جدوجہد کررہے ہیں، پیٹر سٹانو

آج کا اخبار
یورپ سے
21 فروری ، 2021
برسلز( حافظ انیب راشد) یورپ ایران نیوکلیئر ڈیل کو واپس لانے کیلئے سخت جدوجہد کررہا ہے۔ اس بات کی تصدیق یورپین خارجہ امور کے ترجمان پیٹر سٹانو نے برسلز میں ایک آن لائن پریس کانفرنس میں کی۔ انہوں نے کہا کہ یورپین خارجہ امور کے سربراہ جوزپ بوریل جوائنٹ کمپری ہینسیو پلان آف ایکشن( JCPOA) یا ایران نیوکلیئر ڈیل میں شامل ممالک کا امریکہ سمیت ایک غیر رسمی اجلاس منعقد کرنے کی بھرپور کوشش کر رہے ہیں تاکہ ایران کے ساتھ طے پانے والے معاہدے کو واپس بحال کیا جا سکے۔ ترجمان نے کہا کہ اس وقت اس ڈیل کے تمام شرکاء کے ساتھ اہم ترین اور سخت گفتگو جاری ہے۔ پیٹر سٹانو نے مزید کہا کہ امریکہ کی طرف سے ایران پر سے پابندیاں اٹھانے اور اس کے سفارتی لوگوں کو سفر کی اجازت دینے کے حوالے سے کچھ اشارے ملے ہیں۔ جس کے بعد ایسی صورتحال بن رہی ہے کہ اس اجلاس کا انعقاد ممکن ہو سکے۔
تازہ ترین