آپ آف لائن ہیں
بدھ8؍رمضان المبارک 1442ھ21؍ اپریل 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عتیقہ اوڈھو قریبی دوست بابر تجمل کے انتقال پر غمزدہ

سینئر اداکارہ عتیقہ اوڈھو نے یورپی ملک آسٹریا کے اعزازی قونصل راجہ بابر تجمل کے انتقال پر گہرے رنج کا اظہار کرتے ہوئے کہا کہ قریبی دوست کے یوں اچانک چلے جانے کا خلا کبھی پُر نہیں ہوگا۔

عتیقہ اوڈھو نے بابر تجمل کی تصویر شیئر کرتے ہوئے کہا کہ انہوں نے عالمی کورونا وائرس کا شکار اپنے ایک بہترین دوست کو کھو دیا ہے۔


انہوں نے کہا کہ زندگی کو بھرپور طریقے سے جینے والے بابر تجمل کو ہمارا پورا کنبہ بہت یاد کرے گا۔


عتیقہ اوڈھو نے کہا کہ ’اللہ کے منصوبے بہترین ہوتے ہیں وہی بہتر جانتا ہے کہ ایسے اچھے لوگ جلدی کیوں چلے جاتے ہیں۔‘

سینئر اداکارہ نے بتایا کہ بابر اُن کے بہت اچھے قریبی دوست تھے، وہ بلاشبہ ایک عظیم شوہر اور باپ تھے، اللہ ان کی مغفرت کرے۔‘

خیال رہے کہ یورپی ملک آسٹریا کے کراچی میں قائم قونصلیٹ آفس میں بابر تجمل کو 2015 میں اعزازی قونصل مقرر کیا گیا تھا۔

انٹرٹینمنٹ سے مزید