فرمان الہی
نماز کے اوقات
پاکستان میں کورونا وائرس کی تیسری لہر کے پھیلاؤ میں شدت آگئی، 24 گھنٹے کے دوران کورونا ٹیسٹ مثبت آنے کی شرح 10 فیصد رہی، 24 گھنٹوں کے دوران 67 افراد انتقال کر گئے ہیں۔
نیشنل کمانڈ اینڈ کنٹرول سینٹر (این سی او سی) کی جانب سے جاری اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید4 ہزار 468مثبت کیسز سامنے آئے ہیں۔
ملک میں 24 گھنٹوں میں کورونا سے مزید 67 افرادانتقال کرگئے، کورونا سے انتقال کرنے والوں کی تعداد14 ہزار 158 ہوگئی۔
ملک میں کورونا کیسز کی مجموعی تعداد 6لاکھ49ہزار824 ہوگئی، کورونا کے ایکٹو کیسز کی تعداد 42 ہزار 384 ہوگئی جبکہ صحتیاب افراد کی مجموعی تعداد 5لاکھ93 ہزار282 ہوگئی ہے۔
این سی او سی کے مطابق ملک میں 24 گھنٹوں میں کورونا کے 44 ہزار279ٹیسٹ کیے گئے۔
سندھ میں اب تک 2 لاکھ 64 ہزار 355، پنجاب میں2لاکھ 10ہزار 095کیسز رپورٹ ہوچکے ہیں، خیبرپختونخوا میں 83 ہزار 630، بلوچستان میں 19 ہزار 453، اسلام آبادمیں 55ہزار 056، گلگت بلتستان میں 4 ہزار 990کیسز رپورٹ ہوئے۔
