• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرک، نامعلوم افراد کی فائرنگ سے صحافی قتل

تازہ ترین
قومی خبریں
11 اپریل ، 2021
جنگ نیوز

کرک میں نامعلوم افراد کی جانب سے فائرنگ کے نتیجے میں مقامی صحافی قتل، پولیس نے ملزمان کے خلاف مقدمہ درج کر لیا ہے۔

پولیس کے مطابق کرک میں نامعلوم افراد نے فائرنگ کر کے صحافی وسیم عالم کو قتل کر دیا ہے، صحافی وسیم عالم کو کل گھر کے قریب فائرنگ کرکے قتل کیا گیا تھا جبکہ صحافی وسیم عالم کےقتل کامقدمہ نامعلوم افراد کے خلاف درج کر کے ملزمان کی تلاش شروع کر دی گئی ہے۔

پولیس کے مطابق صحافی وسیم عالم کے قتل کا مقدمہ وسیم عالم کے ورثاء کی مدعیت میں درج کیا گیا ہے۔

پولیس کے مطابق صحافی وسیم عالم اخبار روزنامہ صدائے لواغر کرک سے وابستہ تھے۔

مقتول صحافی کے بھائی ناصر نے  جیو نیوز سے گفتگو کے دوران کہا ہے کہ  بھائی نے کبھی کسی دشمنی یا دھمکیوں کا ذکر نہیں کیا۔

دوسری جانب بیوہ وسیم عالم کا کہنا ہے کہ ہماری کسی سے کوئی دشمنی نہیں ہے۔

تازہ ترین