• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی ، آتشزدگی کے دوواقعات ،لاکھوں کی لکڑی اورسامان خاکستر

میرا شہر
اسلام آباد
09 جون ، 2021
راولپنڈی (سٹاف رپورٹر)راولپنڈی کے مختلف علاقوں مین آتش زدگی کے دوواقعات میں لاکھوں روپے کی لکڑی اوردیگرسامان جل کرخاکستر ہو گیا، ریسکیو عملے نے دونوں مقامات پرکئی گھنٹے کے فائرفائٹنگ آپریشنز کے بعد آگ پرقابوپالیا۔تھانہ صادق آباد کے علاقہ فاروق اعظم روڈ پر لکڑی کے گودام میں آگ لگنے سے لاکھوں روپے مالیت کی لکڑی جل گئی۔ریسکیو 1122کے مطابق پیراور منگل کی درمیانی شب پونے تین بجے کے قریب ڈھوک کالاخان فاروق اعظم روڈ کی گلی نمبر پانچ میںواقع لکڑی کے گودام میں اچانک آگ بھڑ ک اٹھی۔تین گھنٹے کے فائرفائٹنگ آپریشن کے بعد آگ پرقابوپالیا گیا ۔ادھرمنگل کی سہ پہر ساڑھے تین بجے کے قریب انڈسٹریل ایریاروات پلاٹ نمبرچارمیں واقع چپس اورنمکوبنانے والی فیکٹری ٹیسٹی فوڈکے فرسٹ اورسیکنڈفلور میں آگ لگ گئی ،ریسکیوترجمان کے مطابق آگ پیکنگ مشین میں شارٹ سرکٹ کی وجہ سے لگی ،اطلاع ملنے پرریسکیو 1122کی آگ بجھانے والی آٹھ گاڑیاں ،ایک سپیشل وہیکل ریسکیوعملے کے ہمراہ موقع پرپہنچ گئیں۔
تازہ ترین