پی ٹی آئی رکنِ پنجاب اسمبلی نے FIA سائبر کرائم ونگ سے کیوں رجوع کیا؟

27 جون ، 2021

پی ٹی آئی کے رکنِ پنجاب اسمبلی ملک احمد خان بھچر نے سوشل میڈیا پر وائرل فوٹیج کو ان سے منسوب کرنے کے خلاف ایف آئی اے سائبرکرائم ونگ سے رجوع کرلیا ہے۔

میانوالی سے پی ٹی آئی کے ایم پی اے ملک احمد خان بھچر نے ایف آئی اے سائبر کرائم کو دی گئی درخواست میں کہا ہے کہ سوشل میڈیا پر وائرل ایک ایسی فوٹیج ان سے منسوب کی گئی ہے کہ جس میں لوگ ایک شخص پر تشدد کرتے دکھائے گئے ہیں۔

انہوں نے درخواست میں لکھا ہے کہ واقعہ بھلوال میں پیش آیا جبکہ فوٹیج کے نیچے لکھا ہے کہ لوگ مہنگائی کی وجہ سے مجھ پر تشدد کر رہے ہیں۔

ملک احمد خان بھچر نے درخواست میں اپیل کی ہے کہ فوٹیج کو منسوب کر کے میری ساکھ کو نقصان پہنچایا گیا، ایسے لوگوں کے خلاف کارروائی کی جائے۔

تازہ ترین