عاصم اظہر نے ماڈل میرب علی سے منگنی کر لی

پاکستان سمیت سرحد کے اُس پار یعنی بھارت میں بھی انتہائی کم عُمر میں شہرت پانے والے نوجوان گلوکار عاصم اظہر سے متعلق سوشل میڈیا پر خبریں زیرِ گردش ہیں کہ اُنہوں نے اپنی دوست اور ماڈل میرب علی سے منگنی کرلی ہے۔

گزشتہ روز سے سوشل میڈیا کے مختلف پلیٹ فارمز پر عاصم اظہر اور ماڈل میرب علی کی منگنی کی خبریں وائرل ہو رہی ہیں۔

سوشل میڈیا پر زیرِ گردش خبروں میں کہا جارہا ہے کہ عاصم اظہر اور میرب علی نے ایک نجی تقریب کے دوران خاموشی سے منگنی کر لی ہے۔

عاصم اظہر کی اپنی میم والی پوسٹ پر وضاحت

پاکستان میوزک انڈسٹری کے معروف گلوکار عاصم اظہر نے اپنی حالیہ میم والی پوسٹ پر وضاحت دیتے ہوئے کہا ہے کہ میں طویل عرصے سے خاموش تھا اور اب میری ایک پوسٹ سے لوگوں کے جذبات مجروح ہوگئے ہیں جبکہ وہ پوسٹ کسی مخصوص شخص کے لیے نہیں تھی۔

کہا جا رہا ہے کہ عاصم اظہر اور میرب علی کی منگنی کی تقریب میں اُن کے اہلِ خانہ اور چند عزیزوں نے شرکت کی۔

دوسری جانب ابھی تک عاصم اظہر اور میرب علی کی جانب سے اُن کی منگنی کی زیرِ گردش خبروں کی تردید یا تصدیق نہیں کی گئی ہے۔

عاصم اظہر اور میرب علی کی منگنی کی خبر سُننے کے بعد سوشل میڈیا صارفین کی جانب سے حیرانگی کا اظہار کیا جا رہا ہے۔

بال بال بچ گیا: ہانیہ کی وائرل ویڈیو کے بعد عاصم اظہر کا پیغام

پاکستان میوزک انڈسٹری کے نوجوان گلوکار اور اداکارہ ہانیہ عامر کے سابقہ دوست عاصم اظہر کے حالیہ سوشل میڈیا پیغام نے مداحوں کو کشمکش میں مبتلا کردیا۔

واضح رہے کہ ماضی میں عاصم اظہر اور ہانیہ عامر کے درمیان گہری دوستی قائم تھی بعد ازاں دونوں نے راہیں جدا کر لی تھیں جس کے بعد گلوکار کو شدید تنقید کا نشانہ بنایا گیا تھا۔