عید کے پیش نظر کانگو وائرس الرٹ جاری ، خصوصی اقدامات کی ہدایت

میرا شہر

اسلام آباد

12 جولائی ، 2021

راولپنڈی (اپنے رپورٹرسے)محکمہ پرائمری اینڈ سیکنڈری ہیلتھ کئیرنے عید الاضحی کے پیش نظر کانگو وائرس کا الرٹ جاری کر دیا۔ تمام ضلعی افسران کوکانگو وائرس سے بچاؤ کے لیے خصوصی اقدامات کرنے کی ہدایت کی ۔ قربانی کا جانور خریدنے سے پہلے اچھی طرح چیک کرلیں کہ اس کے جسم پر چیچڑیاں نہ ہوں۔ کانگو بخار سے بچاؤ کے لیے خفاظتی تدابیر لازمی اپنائیں،تیز بخار،سر درد،کمر درد اور پٹھوں میں درد کانگو بخار کی علامات ہیں۔ علامات ظاہر ہونے کی صورت میں قریبی مرکز صحت یا سرکاری ہسپتال سے فورا رجوع کریں۔ پالتو جانوروں اور مویشیوں کو چیچڑوں سے محفوظ رکھنے کے لیے محکمہ لائیو سٹاک کے مشورے سے کرم کش ادویات کا استعمال کریں۔ جسم کے ننگے حصوں پر مچھر/چیچڑ بھگاؤ لوشن لگائیں۔ کورون ایس او پیزا پر سختی سے عمل کریں۔ ویکسین لگوائیں، ماسک پہنیں، سماجی فاصلہ رکھیں۔ منڈی سے گھر واپسی پر فورا نہا کر کپڑے تبدیل کریں۔

تازہ ترین