عیدالاضحیٰ! شنیرا کو وسیم کی یاد ستانے لگی

سوئنگ کے سلطان اور قومی کرکٹ ٹیم کے سابق کپتان وسیم اکرم کی اہلیہ شنیرا کی جانب سے سوشل میڈیا پر عیدالاضحیٰ کی مبارکباد دی گئی ہے۔

سوشل میڈیا پر زیادہ متحرک رہنے والی شنیرا نے اپنے تصدیق شدہ انسٹاگرام اکاؤنٹ پر خصوصی اسٹوری شیئر کی ہے۔

شنیرا نے اپنی انسٹاگرام اسٹوری میں اپنی بیٹی عائلہ کے ہمراہ اپنی خوبصورت سیلفی شیئر کی ہے جس میں وہ دونوں مُسکرا رہی ہیں۔

سابق کپتان کی اہلیہ نے اپنی اسٹوری کے کیپشن میں لکھا کہ ’عید مبارک! خاص کر اُن لوگوں کو، جو لاک ڈاؤن کی وجہ سے اپنے اہلخانہ سے دور اکیلے رہنے پر مجبور ہیں۔‘

شنیرا سے علیحدگی، وسیم اکرم بھی اُداس

سوئنگ کے سلطان کے لقب سے دُنیا بھر میں مشہور قومی کرکٹ ٹیم کے سابق کپتان وسیم اکرم بھی اپنی اہلیہ شنیرا سے طویل جُدائی پر اُداس نظر آرہے ہیں۔

شنیرا کی انسٹاگرام اسٹوری دیکھنے کے بعد واضح ہورہا ہے کہ خوشی کے اس موقع پر اُنہیں اپنے شوہر وسیم اکرم کی یاد بہت ستا رہی ہے۔

خیال رہے کہ شنیرا اور اُن کی بیٹی عائلہ گزشتہ کئی ماہ سے آسٹریلیا میں پھنسی ہوئی ہیں جبکہ اُن کے شوہر وسیم اکرم پاکستان میں موجود ہیں۔

آسٹریلوی حکومت نے کورونا وائرس کے بڑھتے کیسز کے پیش نظر آسٹریلیا کی بارڈرز بند کی ہوئی ہیں۔