امریکا کی ایلیسن سب سے زیادہ اولمپکس میڈل جیتنے والی خاتون

امریکا کی ایلیسن فیلکس Allyson Felix چار سو میٹر ریس میں کانسی کا تمغہ جیت کر ٹریک اینڈ فیلڈ مقابلوں میں سب سے زیادہ دس اولمپک میڈل جیتنے والی خاتون ایتھلیٹ بن گئیں۔

سپر ہیوی ویٹ گولڈ میڈل باؤٹ میں سونے کا تمغہ امریکا کے نام رہا۔

خواتین کے شاٹ پٹ مقابلے میں گولڈ میڈل جیتنے والی چینی ایتھلیٹ کو مرد سے تشبیہ دینے پر سوشل میڈیا پر شدید تنقید کی گئی۔ اس عمل کو جنس کی بنیاد پر تنگ نظری سے متاثر رویہ قرار دیا گیا۔

ٹوکیو اولمپکس کے پندرہویں روز امریکا نے مزید 5 گولڈ میڈلز جیت کر چین سے طلائی تمغوں کی تعداد کے فرق کو کم ضرور کرلیا لیکن ٹیبل پر بدستور اُس کی دوسری پوزیشن ہے۔

چین 38 گولڈ میڈلز کے ساتھ پہلے، امریکا 36 سونے کے تمغوں کے ساتھ دوسرے اور میزبان جاپان 27 طلائی تمغوں کے ساتھ تیسرے نمبر پر ہے۔

دُنیا کے سب سے بڑے کھیلوں کے مقابلوں کے 15ویں روز سب سے زیادہ 34 گولڈ میڈلز تقسیم کیے گئے، جس میں سے پانچ امریکی ایتھلیٹس کے ہاتھ لگے۔

چینی ایتھلیٹس مزید 2 سونے کے تمغے جیت کر ٹیبل پر اپنی پہلی پوزیشن برقرار رکھنے میں کامیاب رہے۔

میزبان جاپان کے ایتھلیٹس 2 گولڈ میڈل جیتنے میں کامیاب رہے، 27 گولڈ میڈلز کے ساتھ ٹیبل پر اُن کی تیسری پوزیشن برقر ار ہے۔

رشین اولمپک کمیٹی کی 20 گولڈ میڈلز کے ساتھ چوتھی پوزیشن ہے جبکہ ٹاپ فائیو ممالک میں برطانیہ نے پھر سے جگہ بنالی ہے۔

برطانوی ایتھلیٹس 20 سونے اور مجموعی طور پر 63 تمغے حاصل کرکے پانچویں پوزیشن پر پہنچ گئے ہیں۔