• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی آئی اے کا کابل آپریشن معطل

تازہ ترین
قومی خبریں
16 اگست ، 2021
پی آئی اے کا کابل آپریشن معطل

کابل ایئرپورٹ پر سیکیورٹی کی غیریقینی صورتحال کے پیشِ نظر پاکستان انٹرنیشنل ایئر لائن (پی آئی اے) نے اپنا کابل آپریشن معطل کردیا۔

ترجمان پی آئی اے کے مطابق کابل ایئرپورٹ پر سیکیورٹی اور اسٹاف نہیں اور لوگوں کا رن وے پر ہجوم ہے اس وجہ سے بھی کابل آپریشن معطل کیا گیا۔

ترکش ایئر لائن کی پرواز کو کابل میں لینڈنگ کیلئے فضا میں 40 منٹ انتظار کرنا پڑا

افغانستان میں پھنسے اپنے شہریوں اور غیر ملکیوں کو نکالنے کیلئے کابل پہنچنے والی ترکش ایئر لائن کی پرواز کو لینڈنگ کیلئے فضا میں ہی 40 منٹ تک انتظار کرنا پڑا۔

پی آئی اے نے  وزارت خارجہ اور افغان سول ایوی ایشن سے مشاورت کے بعد فیصلہ کیا، فیصلہ مسافروں، عملے اور اثاثوں کی حفاظت کے باعث بھی کیا گیا۔

ترجمان پی آئی اے کے مطابق کابل ایئرپورٹ پر پروازیں غیر معینہ مدت کیلئے ملتوی رہیں گی۔

تازہ ترین