بابا کے بغیر سب کچھ ادھورا ہے: ایمن خان

پاکستان ڈرامہ انڈسٹری کی معروف اداکارہ ایمن خان اپنی جڑواں بہن منال خان کی شادی پر اپنے والد کی کمی محسوس کرتے ہوئے جذباتی ہوگئیں۔

ایمن خان نے سوشل میڈیا سائٹ انسٹاگرام کا رُخ کیا جہاں اُنہوں نے اپنی ایک خوبصورت فیملی فوٹو شیئر کی۔

انسٹاگرام پر شیئر کی گئی فیملی فوٹو منال خان کی شادی کے دن کی ہے جس میں اداکارہ کو اُن کی والدہ اور تینوں بھائیوں کے ساتھ دیکھا جاسکتا ہے۔

اس کے علاوہ ایمن خان نے اپنی ایک تصویر بھی شیئر کی جوکہ منال خان کے نکاح کے وقت کی ہے جب ایمن اپنے مرحوم والد کو یاد کرتے ہوئے آبدیدہ ہوگئیں تھیں۔

شادی کے بعد منال کی پہلی پوسٹ

گزشتہ شب اداکار احسن محسن کے ساتھ رشتۂ ازدواج میں منسلک ہونے والی خوبرو اداکارہ منال خان نے شادی کے بعد پہلی پوسٹ انسٹاگرام پر شیئر کردی۔

ایمن خان نے ان تصاویر کو ایک جذباتی کیپشن دیتے ہوئے لکھا کہ ’بابا! آپ کے بغیر سب کچھ ادھورا ہے۔‘

اداکارہ نے اپنے مرحوم والد سے مخاطب ہوتے ہوئے لکھا کہ ’ہم سب نے آپ کو یاد کیا ہم آپ کو نہیں دیکھ سکے لیکن ہم سب نے آپ کی موجودگی کو وہاں محسوس کیا۔‘

واضح رہے کہ 10 ستمبر بروز جمعے کو منال خان احسن محسن اکرام کے ساتھ رشتہ ازدواج میں منسلک ہوگئیں۔

منال خان اور احسن محسن اکرام کی نکاح کی تقریب کراچی میں شوبز انڈسٹری کے متعدد ستاروں کی موجودگی میں منعقد ہوئی۔

منال کا شادی کے بعد انسٹا پر نام تبدیل

گزشتہ شب اداکار احسن محسن کے ساتھ رشتۂ ازدواج میں منسلک ہونے والی خوبرو اداکارہ منال خان نے شادی کے فوراََ بعد اپنے انسٹاگرام اکاؤنٹ کا نام تبدیل کردیا۔

22 سالہ منال خان نے اپنی شادی کی تقریب میں خوبصورت عروسی لباس اور زیورات پہنے ہوئے تھے جبکہ 28 سالہ احسن محسن نے اپنے اس زندگی کے بڑے دن کے لیے ایک سیاہ رنگ کی خوبصورت شیروانی کا انتخاب کیا۔