وزیر خوراک سندھ مکیش کمار چاولہ نے کہا ہے کہ سندھ میں آٹے کی قیمت دیگر صوبوں کے برابر ہے۔
سندھ اسمبلی میں پریس کانفرنس کے دوران مکیش کمار چاولہ نے کہا کہ پتا نہیں کیوں وفاقی وزراء جھوٹی اور گمراہ کن باتیں کررہے ہیں۔
انہوں نے کہا کہ سندھ حکومت نے کسی سال بھی 16 لاکھ میٹرک ٹن گندم نہیں خریدی، سندھ میں آٹے کی قیمت دیگر صوبوں کے برابر ہے۔
صوبائی وزیر خوراک نے مزید کہا کہ وفاقی وزراء اپنی نا اہلی پر سے لوگوں کی توجہ ہٹانے کے لیے جھوٹے پروپیگنڈے کر رہے ہیں۔