پاکستان شوبز انڈسٹری کے معروف اداکارو میزبان سلمان ثاقب شیخ عرف مانی نے سیالکوٹ واقعے پر افسوس کا اظہارکیا ہے۔
مانی نے اپنی انسٹا اسٹوری پر معروف مصنف سعادت علی منٹو کا ایک مشہور قول شیئر کیا ہے۔
سعادت علی منٹوکے مذہبی عدم برداشت پر کہے ہوئے الفاظ؛
واضح رہے کہ گزشتہ روز سیالکوٹ میں نجی فیکٹری کا سری لنکن منیجر فیکٹری ملازمین کے تشدد سے ہلاک ہوگیا تھا، مشتعل افراد نے لاش کو سڑک پر گھسیٹا اور آگ لگادی گئی تھی۔
مشتعل افراد کا دعویٰ ہے کہ مقتول نے مبینہ طور پر مذہبی جذبات مجروح کیے تھے، مشتعل افراد نے فیکٹری میں توڑ پھوڑ بھی کی۔
وزیر اعلیٰ پنجاب سردار عثمان بزدار نے واقعہ کی تحقیقات کا حکم دیتے ہوئے انسپکٹر جنرل پولیس سے رپورٹ طلب کرلی۔
عثمان بزدار نے کہا کہ کسی کو قانون ہاتھ میں لینے کی اجازت نہیں دی جاسکتی۔