بلوچستان سے رکن قومی اسمبلی اسلم بھوتانی نے تحریک عدم اعتماد کے لیے اپوزیشن جماعتوں کی حمایت کا اعلان کردیا۔
آصف زرداری، اختر مینگل، بلاول بھٹو، سردار ایاز صادق، عبدالغفور حیدری نے آزاد رکن قومی اسمبلی اسلم بھوتانی کے ہمراہ مشترکہ پریس کانفرنس کی۔
اسلم بھوتانی نے دوران گفتگو کہا کہ آصف زرداری اور اختر مینگل سے پرانا تعلق ہے، جہاں آصف علی زرداری صاحب جائیں گے ہم بھی وہاں جائیں گے۔
اپوزیشن قیادت میں شامل اختر مینگل اور سردار ایاز صادق نے اسلم بھوتانی کو خوش آمدید کہا جبکہ بلاول بھٹو زرداری نے اُن کا شکریہ ادا کیا کہ وہ ہمارے ساتھ آئے ہیں۔