پڑوسی ملک بھارت میں مون سون بارشوں کا آغاز ہو گیا ہے، ایسے میں ایک ڈیلیوری بوائے نے گھوڑے پر کھانا ڈیلیور کرنا شروع کر دیا جس کی ویڈیو وائرل ہو رہی ہے۔
سوشل میڈیا پر وائرل ویڈیو ممبئی کی ہے جس میں دیکھا جا سکتا ہے کہ بارش کے دوران مصروف سڑک پر ایک شخص گھوڑے پر سوار ہو کر کھانا ڈیلیور کرنے جا رہا ہے۔
ڈیلیوری بوائے کو گھوڑے پر سوار دیکھ کر سوشل میڈیا صارفین دنگ رہ گئے۔
سوشل میڈیا پر کہا جارہا ہے کہ پیٹرولیم مصنوعات کی آسمان کو چھوتی قیمتوں کو دیکھتے ہوئے، ایک گھوڑا ایک ہوشیار متبادل لگتا ہے۔
صرف 6 سیکنڈز پر مشتمل ویڈیو کو یوٹیوب پر اب تک 31 ہزار سے زائد افراد دیکھ چکے ہیں۔