فرمان الہی
نماز کے اوقات
یوکرین کے صدر زیلنسکی نے روس کے ساتھ جاری جنگ کے دوران روایتی سوٹ کے بجائے فوجی طرز کے لباس کو اپنی شناخت بنا لیا ہے۔
ولادیمیر زیلنسکی عموماً زیتونی سبز اور سیاہ رنگ کی سویٹ شرٹس، ٹی شرٹس اور فوجی طرز کے ملبوسات پہنتے ہیں۔
ان کے لباس کو یوکرینی فوجیوں اور جنگ سے متاثرہ شہریوں کے ساتھ یکجہتی کی علامت کے طور پر دیکھا جاتا ہے۔
فروری 2025ء میں وائٹ ہاؤس میں امریکی صدر ڈونلڈ ٹرمپ سے ملاقات کے دوران ایک صحافی نے زیلنسکی سے سوال کیا تھا کہ وہ اتنے اہم موقع پر سوٹ پہن کر کیوں نہیں آئے؟
زیلنسکی نے جواب دیا تھا کہ جنگ ختم ہونے کے بعد دوبارہ سوٹ پہنوں گا۔
زیلنسکی کا لباس عالمی رہنماؤں کے ساتھ ملاقاتوں میں جنگ اور معمول کے حالات کے درمیان ایک واضح فرق بھی ظاہر کرتا ہے۔
ان کا رسمی لباس کے بجائے فوجی طرز کا لباس اس بات کی یاد دہانی کراتا ہے کہ یوکرین اب بھی جنگ کی صورتِ حال سے گزر رہا ہے۔
اپریل 2025ء میں پوپ فرانسس کی آخری رسومات میں انہوں نے سیاہ رنگ کا فوجی طرز کا رسمی لباس زیب تن کیا، جسے یوکرینی ڈیزائنر وکٹر انیسیموف نے تیار کیا تھا۔
اگست 2026ء میں ناروے کے بادشاہ ہیرالڈ کی آخری رسومات میں بھی زیلنسکی روایتی رسمی سوٹ کے بجائے فوجی طرز کے لباس میں شریک ہوئے۔
