ملک میں مہنگائی میں اضافے کا سلسلہ رواں ہفتے بھی جاری رہا، اس دوران مہنگائی میں صفر اعشاریہ 48 فیصد اضافہ ریکارڈ کیا گیا۔
ادارہ شماریات کی رپورٹ کے مطابق حالیہ ہفتے وار اضافے کے بعد ملک میں مہنگائی کی مجموعی شرح 30 اعشاریہ 16 فیصد ہوگئی ہے۔
رپورٹکے مطابق رواں ہفتے کھانے پینے کی اشیاء میں سب سے زیادہ اضافہ ریکارڈ کیا گیا، اس دوران 19 اشیاء ضروریہ کی قیمتیں بڑھ گئیں۔
ادارہ شماریات کے مطابق حالیہ ہفتے میں جو 19 اشیاء مہنگی ہوئیں، اُن میں چینی، انڈے، گوشت، پیاز، دودھ، دہی، لہسن اور چاول شامل ہیں۔
رپورٹ کے مطابق گھی اور ٹما ٹر سمیت 9 اشیاء سستی اور 23 کی قیمتوں میں استحکام رہا۔
ادارہ شماریات کی رپورٹکے مطابق چینی کی فی کلو قیمت میں اوسطاً 1 روپے 20 پیسے، انڈوں کی فی درجن قیمت میں 21 روپے 50 پیسے کا اضافہ ہوا۔
رپورٹکے مطابق ایک درجن انڈے ساڑھے 21 روپے کے اضافے کے بعد 276 روپے میں دستیاب ہیں۔
حالیہ ہفتے میں زندہ مرغی 12 روپے 60 پیسے فی کلو مہنگی ہوکر 299 روپے 39 پیسے تک پہنچ گئی۔
ایک ہفتے کے دوران پیاز 4 روپے 48 پیسے، آلو ایک روپے 94 پیسے فی کلو مہنگے ہوئے، حالیہ ہفتے، دودھ، دہی، بیف، مٹن، چائے، لہسن، چاول سمیت دیگر اشیاء بھی مہنگی ہوگئیں۔
رپورٹکے مطابق اس ہفتے کے دوران دال چنا 3 روپے 93 پیسے، دال مسور 2 روپے 78 پیسے، ایل پی جی کا گھریلو سلنڈر 9 روپے 74 پیسے سستا ہوا جبکہ دیگر اشیاء میں دال ماش، دال مونگ، گھی اور آٹا شامل ہیں۔