رہنما مسلم لیگ ن عطا تارڑ کا کہنا ہے کہ گورنر نے تحمل کا مظاہرہ کیا، وزیراعلیٰ کو موقع دیا مگر انہوں نے اعتماد کا ووٹ لینے سے گریز کیا۔
عطا تارڑ نے میڈیا سے گفتگو کرتے ہوئے بتایا کہ ان کے پاس اسمبلی میں اکثریت ہے تو دکھا دیتے۔
ان کا کہنا تھا کہ پنجاب میں پی ٹی آئی کے بہت سے لوگ ہم سے رابطے میں ہیں، وہ کہہ رہے ہیں کہ اسمبلیوں کی تحلیل عمران خان کی ضد ہے۔
عطا تارڑ نے کہا کہ پی ٹی آئی ارکان کہتے ہیں کسی کی ضد پر اسمبلی تحلیل نہیں ہونی چاہیے۔
انہوں نے مزید کہا کہ ان کے پاس تعداد نہیں،اجلاس میں جا کر کیا کریں گے۔
واضح رہے کہ گورنر پنجاب بلیغ الرحمٰن نے وزیراعلیٰ پنجاب چوہدری پرویز الہیٰ کو ڈی نوٹیفائی کردیا۔
گورنر پنجاب کی جانب سے جاری نوٹیفکیشن میں کہا گیا ہے کہ وزیراعلیٰ نے مقررہ دن اور وقت پر اعتماد کا ووٹ لینے سے گریز کیا۔