گوادر میں حق دو تحریک کا دھرنا ختم کرانے کے لیے وزیر داخلہ بلوچستان اور مظاہرین کے نمائندوں کے مذاکرات بے نتیجہ ختم ہوگئے۔
مذاکرات کے بعد وزیر داخلہ ضیا لانگو کا کہنا تھا کہ مظاہرین کے زیادہ تر مطالبات وفاقی حکومت سے متعلق یا ایران سے تجارت سے متعلق ہیں۔
انہوں نے مزید کہا کہ حق دو تحریک کے مطالبات اسٹیک ہولڈر کے سامنے رکھیں گے۔
دوسری جانب ’حق دو گوادر کو‘ تحریک کے سربراہ مولانا ہدایت الرحمٰن کا کہنا ہے کہ وزیرداخلہ بلوچستان ضیا لانگو سے مذاکرات نہیں کیے تھے بلکہ اپنے دو نمائندوں کو بھیجا تھا۔