گورنر سندھ کامران ٹیسوری صدر میں مقامی سینما میں فلم مولا جٹ دیکھنے پہنچ گئے۔
گورنر سندھ کے ساتھ ایڈمنسٹریٹر کراچی سیف الرحمٰن اور بلدیہ شرقی کے ایڈمنسٹریٹر بھی موجود ہیں۔
گورنر سندھ کا کہنا ہے کہ عمران خان نے کہا کہ مولا جٹ دیکھو اور سندھ کا گورنر دیکھو تو وہی دیکھنے آیا ہوں۔
کامران ٹیسوری نے کہا کہ چاہتا ہوں سینما انڈسٹری کو فروغ ملے، بلاشبہ پاکستان میں اچھی فلم سازی ہو رہی ہے۔
انہوں نے مزید کہا کہ ہدایت کاروں کی حوصلہ افزائی ضروری ہے۔
واضح رے کہ 20 اکتوبر کو سرگودھا یونیورسٹی میں خطاب کرتے ہوئے عمران خان کا کہنا تھا کہ سندھ کے گورنر کو دیکھیں اور مولا جٹ کو دیکھیں تو کوئی فرق نظر نہیں آئے گا۔