امریکی محکمۂ خارجہ کے ترجمان نے تصدیق کی ہے کہ امریکی اہلکار نے گزشتہ ہفتے چین کا دورہ کیا۔
غیر ملکی خبر رساں ادارے کے مطابق دو ماہ قبل امریکی وزیرِ خارجہ انٹونی بلنکن نے چین کا دورہ اچانک منسوخ کر دیا تھا۔
ترجمان نے کہا کہ محکمۂ خارجہ کے سربراہ چائنا ہاوس رک واٹرز نے بیجنگ، شنگھائی اور ہانگ کانگ کا دورہ کیا۔
انہوں نے کہا کہ رک واٹرز نے چینی ہم منصبوں اور چین میں تعینات امریکی ملازمین سے ملاقات کی۔
میڈیا رپورٹس کے مطابق محکمۂ خارجہ کے ترجمان نے بات چیت کے نتائج سے متعلق کوئی بات نہیں کی۔
واضح رہے کہ امریکی فضا میں چینی غباروں کی آمد کے بعد انٹونی بلنکن کا فروری کا دورہ منسوخ کیا گیا تھا۔