صدر مملکت ڈاکٹر عارف علوی سے عالمی ادارہ صحت ڈبلیو ایچ او کے سبکدوش ہونے والے کنٹری ڈائریکٹر پالیتھا ماہی پالا نے ملاقات کی ہے۔
اس موقع پر صدر مملکت کا کہنا تھا کہ صحت کے چیلنجز پر قابو پانے کےلیے ڈبلیو ایچ او سے شراکت داری بڑھانے کی ضرورت ہے۔
ڈاکٹر پالیتھا ماہی پالا نے پاکستان کا نظامِ صحت بہتر بنانے میں ڈبلیو ایچ او کے کردار پر روشنی ڈالی۔
انکا کہنا تھا کہ عالمی ادارہ صحت پاکستانی عوام کی صحت بہتر بنانے کےلیے تعاون جاری رکھے گا۔
صدر مملکت نے بنیادی نظامِ صحت مضبوط بنانے میں ڈبلیو ایچ او کے کردار کو سراہا۔
انہوں نے کہا کہ پاکستانی معاشرے میں خصوصی افراد کے حقوق سے متعلق رویے میں مثبت تبدیلی آئی ہے۔