بنگلا دیش کی سب سے بڑی حزبِ اختلاف جماعت بنگلا دیش نیشنل پارٹی (بی این پی) نے انتخابات کے بائیکاٹ کا اعلان کر دیا۔
بنگلا دیش نیشنل پارٹی کے ترجمان نے غیر ملکی خبر ایجنسی سے گفتگو کرتے ہوئے کہا ہے کہ ان کی جماعت انتخابات کا بائیکاٹ کر رہی ہے۔
ترجمان بی این پی کا کہنا ہے کہ وزیرِ اعظم شیخ حسینہ واجد کے ساتھ کسی بھی الیکشن میں حصہ نہیں لیں گے کیونکہ انہوں نے گزشتہ دو انتخابات میں دھاندلی کی۔
بی این پی کے ترجمان نے بتایا کہ اکتوبر سے اب تک پارٹی کے 18 ہزار سے زائد رہنما اور حامی گرفتار کیے جا چکے ہیں، اب کسی مضحکہ خیز انتخابات میں حصہ نہیں لیں گے۔
واضح رہے کہ بنگلا دیش میں انتخابات اگلے سال 7 جنوری کو شیڈول ہیں۔
بنگلا دیش میں دیگر اپوزیشن جماعتیں بھی انتخابات کا بائیکاٹ کر چکی ہیں۔