کراچی(نیوز ڈیسک)بٹ کوائن گزشتہ روز دو سال کی بلند ترین سطح پر پہنچ گیا، جس نے65 ہزارڈالر سے اوپر کاریکارڈ توڑ دیا، جیساکہ پیسے کی یہ لہر ریکارڈ سطح آسانی سے حاصل کرسکتی ہے ۔
قیمت یورپ میں ابتدائی طور پر65,537 ڈالر کی بلند ترین سطح پر پہنچ گئی، جو پہلے ہی ایشیائی تجارت میں دو سال کی بلند ترین سطح پر پہنچ چکی ہے۔ یہ آخری بار 4 فیصد اضافے کے ساتھ 65,045 ڈالرپر تھا۔ بٹ کوائن نے نومبر 2021 میں68,999.99 ڈالرکا ریکارڈ بنایا۔
مارکیٹ ویلیو کے لحاظ سے سب سے بڑی کریپٹو کرنسی میں اس سال 50فیصدکا اضافہ ہوا ہے اور زیادہ تر اضافہ گزشتہ چند ہفتوں میں ہوا ہے جہاں امریکہ میں رجسٹرڈ بٹ کوائن فنڈز میں آمد میں اضافہ ہوا ہے۔
رواں سال کے شروع میں امریکہ میں اسپاٹ بٹ کوائن ایکسچینج ٹریڈڈ فنڈز کی منظوری دی گئی تھی۔ ان کے آغاز نے نئے بڑے سرمایہ کاروں کے لیے راستہ کھول دیا ہے اور 2021میں ریکارڈ سطح تک پہنچنے کی یاد تازہ کرنے کے جوش اور رفتار کو پھر سے روشن کیا ہے۔