کراچی (آئی ا ین پی ) پی آئی اے نے یورپی فلائٹ آپریشن کے لئے پیرس کو حب بنانے کا فیصلہ کرلیا۔ پی آئی اے کی یورپی ملکوں میں بحالی سے سالانہ اربوں روپے کی آمدنی ہوگی ،قومی فضائی کمپنی پی آئی اے کی یورپی ملکوں کی پروازوں کی بحالی کے معاملے پر انتظامیہ نے یورپی ملکوں کے فضائی آپریشن شروع کرنے کی منصوبہ بندی تیز کردی ہے۔ پاکستان انٹرنیشنل ائرلائنز (پی آئی اے)انتظامیہ نے پیرس کو اپنے یورپی فلائٹ آپریشن کے لیے حب بنانے کا فیصلہ کرلیا ہے۔ انتظامیہ نے 4 سال انتظار کے بعد اپنے یورپی ملکوں کے فلائٹ آپریشن شروع کرنے کی منصوبہ بندی تیز کردی ہے۔ پی آئی اے انتظامیہ کو یقین ہے کہ مئی کے وسط میں ہونے والے یورپی ایئرسیفٹی کمیٹی اجلاس میں پی آئی اے کو یورپی فضائی آپریشن بحال کرنے کی اجازت مل جائے گی ۔ یورپی ایئرسیفٹی کمیٹی کا اہم اجلاس 14 سے 16 مئی کو ہوگا۔ واضح رہے کہ پی آئی اے کے اعلیٰ افسران کی ٹیم بھی پیرس کا دورہ کرچکی ہے۔ پی آئی اے کی یورپی ملکوں میں بحالی سے سالانہ اربوں روپے کی آمدنی ہوگی۔ یورپی ملکوں کی پروازوں پر جولائی 2020 میں پابندی لگنے سے پی آئی اے کو اب تک 120 ارب روپے کا نقصان ہوچکا ہے۔