پہلے ٹی ٹوئنٹی میچ میں ویسٹ انڈیز ویمن نے دلچسپ مقابلے کے بعد پاکستان ویمن کو ایک رن سے شکست دے دی۔ مہمان ٹیم کو 5 میچز کی سیریز میں0-1 کی برتری مل گئی۔
پاکستان ویمن ٹیم 123رنز کے ہدف کے تعاقب میں 8 وکٹ پر 121 رنز بناسکی۔
کپتان ندا ڈار 27 رنز کے ساتھ نمایاں رہیں، سدرا امین نے 23، منیبہ علی نے 18 اور گل فیروزہ نے 13، عالیہ ریاض نے 12 اور عائشہ ظفرنے 7 رنز کی اننگز کھیلی۔
اس سے قبل پہلے بیٹنگ کرتے ہوئے ویسٹ انڈیز ویمن نے 9 کھلاڑیوں کے نقصان پر 122 رنز بنائے۔
ویسٹ انڈیز کی قیانا جوزف 34 اور اسٹیفنی ٹیلر 30 رنز بنا کر نمایاں رہیں جبکہ چیڈین نیشن، چینیلی ہینری اور افے فلیچر نے 13، 13 رنز بنائے۔
پاکستان کی جانب سے فاطمہ ثنا نے 3 اور سعدیہ اقبال نے 2 وکٹیں حاصل کیں جبکہ ڈائنا بیگ، ندا ڈار اور طوبیٰ حسن نے ایک ایک کھلاڑی کو آؤٹ کیا۔
کپتان ندا ڈار کا کہنا ہے کہ ہماری بولنگ زبردست رہی، بیٹنگ کا آغاز اچھا کیا تھا لیکن بیک ٹو بیک وکٹیں گرنے سے گیم پلٹ گئی۔
سیریز کا دوسرا میچ اتوار کو ہوگا، سیریز کے تمام میچز جیو سوپر براہ راست نشر کر رہا ہے۔