ملتان(سٹاف رپورٹر) طالبہ کو اغوا کرنے کے الزام میں پولیس نے عورت سمیت چار افراد کے خلاف مقدمات درج کرلیے ،قطب پور پولیس کو عذا پروین نے بتایا کہ میری بیٹی 12ویں کلاس کی طالبہ ہے جو گھر کا سودا لینے بازار گئی مگر واپس نہ آئی ،معلوم ہوا کہ ملزمان کلثوم بی بی ،آصف اور نوید میری بیٹی کو احمد رضا کی ایما پر اغوا کرکے لے گئے جب کہ مخدوم رشید پولیس کو محمد عمران نے بتایا کہ ملزم عبدالرازاق میری بیٹی میرب فاطمہ کو اغوا کرکے لے گیا، پولیس نے ملزمان کے خلاف مقدمات درج کرکے کارروائی شروع کردی ،خاتون سے اسلحہ کے زور پر زیادتی کے الزام میں پولیس نے ایک شخص کے خلاف مقدمہ درج کرلیا ،پولیس نے لین دین کے معاملات میں شہری کو لاکھوں کا بوگس چیک دینے کے الزام میں پولیس نے ایک شخص کے خلاف مقدمہ درج کرلیا ،مہنگے داموں اشیائے خوردو نوش فروخت کرنے کے الزام میں پولیس نے دوافراد کے خلاف مقدمات درج کرلیے ، بیوی کو تشدد کا نشانہ بنانے اور جان سے مارنے کی دھمکیاں دینے کے الزام میں پولیس نے شوہر کے خلاف مقدمہ درج کرلیا ،غیر قانونی طریقے سے مجلس و جلوس منعقد کرنے کے الزام میں پولیس نے15افراد کے خلاف مقدمات درج کرلیے ،شہری کے رقبہ پر سٹے کے باوجود چار دیواری گرانے کے الزام میں پولیس ایک نامزد سمیت پانچ ملزمان کے خلاف مقدمہ درج کرلیا ، ناجائز اسلحہ رکھنے کے الزام میں پولیس نے چار افراد کے خلاف مقدمات درج کرلیے،پولیس نے ڈکیتی و چوری کے الزام میں19مقدمات درج کرلیے ،منشیات فروشی کےالزام میں پولیس نے دوافراد کے خلاف مقدمات درج کرلیے۔