ملتان ( سٹاف رپورٹر) مرکزی انجمن تاجران زکریا مارکیٹ بوسن روڈ کے صدر رانا ارشاد نے کہا ہے کہ حکومت نے آئے روز بجلی، پٹرولیم مصنوعات اور گیس کی قیمت میں ہوشربا اضافے کر کے 24 کروڑ غریب عوام کی کمر توڑ کر رکھ دی ہے جس کی وجہ سے تجارتی و کاروباری طبقہ بھی پس کر رہ گیا ہے، اگر یہی صورتحال رہی تو تاجر برادری احتجاجی تحریک چلانے پر مجبور ہو جائے گی، ان خیالات کا اظہار انہوں نے منعقدہ اجلاس کی صدارت کرتے ہوئے کیا،اجلاس میں مختلف مارکیٹوں کے صدور وجنرل سیکرٹری وچیئر مین ودیگر عہدیداران ملک رمضان سیال، ڈاکٹر غلام شبیر، ملک نواز آرائیں، ملک منیر آرائیں، قاسم بگٹی، پیرزادہ آصف شاہ، ملک عارف مہار اور دیگر نے شرکت کی۔