خیبرایجنسی کی تحصیل لنڈی کوتل میں باراتیوں کی گاڑی اُلٹ گئی، حادثے میں 15 افراد جاں بحق اور متعدد زخمی ہوگئے ہیں ۔
لیویز ذرائع کے مطابق بازار ذخہ خیل کے قریب باراتیوں کی پک اپ تیزرفتاری کے باعث اُلٹ گئی اور قریبی برساتی نالے میں جاگری ، حادثے میں 15 افراد موقع پر ہی جاں بحق اور متعدد زخمی ہوگئے ۔
مرنے والوں میں خواتین اور بچے بھی شامل ہیں ۔زخمیوں کو پشاور کے اسپتال منتقل کیا جارہا ہے ۔لاشوں کو ضروری کارروائی کے بعد ورثا کے حوالے کردیاگیا ۔