مقبوضہ کشمیر کے سابق وزیراعلیٰ فاروق عبداللہ کا کہنا ہے کہ بھارتی وزیر اعظم نریندرا مودی انتخابات جیتنے کے لیے فوجیوں کو خون بیچنا چاہتا ہے، فوجی کسی حکومت کا نہیں بھارت کا ہے۔
میڈیا سے گفتگو کرتے ہوئے سابق وزیر اعلیٰ فاروق عبداللہ کا کہنا تھا کہ بھارتی وزیراعظم مودی اگر واجپائی کو لیڈر مانتے ہیں تو ان کے کہنے پر کیوں نہیں چلتے۔
فاروق عبداللہ نے کہا کہ سابق بھارتی وزیراعظم واجپائی نے کہا تھا کہ دوست بدلے جاسکتے ہیں پڑوسی نہیں، آج بھی مودی جی سے یہی کہنا چاہتا ہوں کہ مودی اگر واجپائی کو لیڈر مانتے ہیں تو ان کے کہے پر چلتے کیوں نہیں؟