رکن قومی اسمبلی جمشید دستی نے کہا ہے کہ ان پر بے پناہ تشدد کیا جارہا ہے، خدا کے لئے بچایا جائے۔ اس دوران ان کی آواز بھر آئی۔
سیشن عدالت میں پیشی کے موقع پر قیدیوں کی وین میں موجود جمشید دستی نے میڈیا سے گفتگو کرتے ہوئے کہا کہ مجھے جیل میں بچھوؤں کے ساتھ رکھا جارہا ہے اور گھسیٹ گھسیٹ کر مارا جاتا ہے۔
انہوں نے بتایا کہ وہ 6روز سے بھوکے ہیں، ، انہیں انتقامی کارروائی کا نشانہ بنایا جارہا ہے، میری بہن کینسر کی مریضہ ہے، خدا کے لئے مجھ پر رحم کرو۔
واضح رہے عوامی راج پارٹی کے سربراہ اور ممبر قومی اسمبلی جمشید دستی کو مظفر گڑھ میں ڈینگا کینال کھولنے پر گرفتار کیا گیا تھا۔